Ҷаласаи Шурои ҷамъиятӣ-машваратӣ доир ба фаъолияти гумрукӣ баргузор гардид
ДУШАНБЕ, 04.06.2025 /АМИТ «Ховар»/. Татбиқи сиёсати гумрукӣ ба ҳифзи манфиатҳои иқтисодии мамлакат, фароҳам овардани шароити мусоид барои фаъолияти соҳибкорӣ, таҳкими содирот ва воридот, инчунин ҷалби сармояи хориҷӣ равона карда шудааст. Ин нуктаро Сардори Хадамоти гумруки назди Ҳукумати Ҷумҳурии Тоҷикистон Хуршед Каримзода дар ҷаласаи навбатии Шурои ҷамъиятӣ-машваратӣ доир ба фаъолияти гумрукӣ баён намуд.
Ба АМИТ «Ховар» аз Хадамоти гумруки назди Ҳукумати Ҷумҳурии Тоҷикистон иттилоъ доданд, ки дар ҷаласа сардорони воҳидҳои сохтории Хадамоти гумрук, намояндагони вазорату идораҳои дахлдор, аҳли тиҷорат ва роҳбарони ширкатҳои брокерӣ ҳузур доштанд.
Дар идомаи ҷаласа, роҳбарияти Кумитаи андози назди Ҳукумати Ҷумҳурии Тоҷикистон дар мавзӯи «Ҳамкории Кумитаи андоз бо Хадамоти гумрук: мушкилоти ҷойдошта дар фаъолияти якҷояи мақомотҳо» сухан намуда, масъалаи фаъолияти ширкатҳои ба истилоҳ «якрӯза»-ро ҳамчун чолиши ҷиддӣ барои низоми андоз ва шаффофияти фаъолияти гумрукӣ мавриди баррасӣ қарор доданд.
Таъкид гардид, ки мавҷудияти чунин ширкатҳо боиси пинҳон шудани шахсони воқеии манфиатдор ва сӯиистифода дар расмиёти гумрукӣ мегардад. Дар ҷаласа ҳамчунин ба аҳамияти мубодилаи иттилоот байни мақомот дар шакли «онлайн» ва таҳкими назорати байниидоравӣ ишора гардид.
Дар ҷаласа ҳамзамон масъалаи беҳсозии фаъолияти ширкатҳои брокерӣ, рафъи мушкилоти ҷойдошта ва баланд бардоштани сатҳи тахассуси мутахассисони соҳа баррасӣ шуд.
Шӯрои ҷамъиятӣ- машваратӣ доир ба фаъолияти гумрукӣ дар асоси Кодекси гумруки Ҷумҳурии Тоҷикистон таъсис дода шуда, ҳадафаш таҳкими ҳамкории мутақобила байни мақомоти гумрук ва субъектҳои фаъолияти иқтисодӣ мебошад.
АКС: Хадамоти гумруки назди Ҳукумати Ҷумҳурии Тоҷикистон
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
