Байни минтақаҳои озоди иқтисодии «Суғд»-и Тоҷикистон ва «Воронеж»-и Русия созишномаи ҳамкорӣ ба имзо расид
ДУШАНБЕ, 04.06.2025. /АМИТ «Ховар»/. Байни Минтақаи озоди иқтисодии «Суғд»-и Тоҷикистон ва Минтақаи озоди иқтисодии «Воронеж»-и Русия, инчунин Палатаҳои савдо ва саноати вилоятҳои Суғд ва Воронеж созишномаҳои ҳамкорӣ ба имзо расонида шуд. Дар ин хусус ба АМИТ «Ховар» аз хадамоти матбуоти Раиси вилояти Суғд иттилоъ доданд.
Созишномаҳои мазкур 30 май зимни вохӯрии Раиси вилояти Суғд Раҷаб Аҳмадзода бо Губернатори Воронеж Александр Гусев, ки дар Русия баргузор гардид, ба имзо расонида шуданд.
Зимни вохӯрӣ масъалаҳои таҳкими ҳамкории байниминтақавӣ дар самтҳои иқтисод, саноат, кишоварзӣ, сайёҳӣ, маориф ва фарҳанг мавриди баррасӣ қарор дода шуданд.
Иброз гардид, ки соҳибкорону намояндагони вилояти Суғд бо мақсади табодули таҷриба ва густариши ҳамкорӣ дар Федератсияи Русия қарор дорад. Ҳайати расмии вилояти Суғд дар идомаи сафар бо корхонаҳои бузурги саноативу логистикии Воронеж, аз ҷумла шабакаи анборҳои «Пятёрочка», корхонаи истеҳсоли нӯшокиҳои «Global Drinks», корхонаи «Кобил-Груп» ва ширкати «Масленица» шинос гардид.
Ҳамчунин ҳайати вилояти Суғд бо Губернатори вилояти Тюмен Александр Моор вохӯрӣ намуд. Дар ин мулоқот ҷонибҳо доир ба соҳаҳои саноату кишоварзӣ, тандурустӣ, илм ва маориф, фарҳанг ва сайёҳӣ мубодилаи афкор намуданд.
Инчунин дар вохӯрӣ барои рушди ҳамкорӣ ва таъсиси корхонаҳои муштарак, аз ҷумла дар самти коркарди маҳсулоти кишоварзӣ ва пахта таваҷҷуҳи махсус зоҳир гардид.
Ҳайати вилояти Суғд бо маркази тиббии Тюмен, технопарк, Донишгоҳи давлатии Тюмен, корхонаҳои саноатӣ ва объектҳои инфрасохтори сайёҳӣ низ шинос мегардад.
АКС: Хадамоти матбуоти Раиси вилояти Суғд
Илҳомҷон Оймуҳаммадзода: «Пиряхҳо на танҳо массаҳои ях, балки бойгонии зиндаи геологӣ мебошанд»
Дар Тоҷикистон беш аз 225 ҳазор тонна хӯроки чорво захира шудааст
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
