Дар Душанбе маросими кушодашавии 46-умин сессияи баҳории Академияи хурди илмҳои Тоҷикистон баргузор шуд
ДУШАНБЕ, 16.06.2025 /АМИТ «Ховар»/. 15 июн дар Академияи миллии илмҳои Тоҷикистон бо иштироки беш аз 500 нафар хонандагон аз тамоми шаҳру ноҳияҳои мамлакат маросими кушодашавии 46-умин сессияи баҳории Академияи хурди илмҳои Тоҷикистон баргузор шуд. Дар ин хусус АМИТ «Ховар» бо истинод ба Академияи миллии илмҳои Тоҷикистон хабар медиҳад.
Ҳадафи баргузории 46-умин сессияи баҳории Академияи хурди илмҳои Тоҷикистон дар амал татбиқ намудани сиёсати илмии Ҳукумати мамлакат аз овони мактабхонӣ мебошад.
Президенти Академияи миллии илмҳои Тоҷикистон, академик Қобилҷон Хушвахтзода иброз дошт, ки бо дастгирӣ ва ташаббусҳои Президенти Ҷумҳурии Тоҷикистон муҳтарам Эмомалӣ Раҳмон соҳаи илм ба яке аз соҳаҳои калидӣ, афзалиятдошта ва авлавиятдошта мубаддал гардидааст.
Иброз гардид, ки Сарвари давлат дар яке аз суханрониҳо иброз доштанд, ки «дар шароити пешрафти босуръати илму технологияҳои муосир мо бояд тамоми имкониятҳоро барои таълиму тарбияи фарзандон ва фароҳам овардани шароити мусоид барои рушди ҳамаҷонибаи онҳо сафарбар созем, онҳоро ба роҳи рост ҳидоят кунем ва ба ҳаёти мустақилона омода намоем, зеро кӯдакон ва наврасону ҷавонони имрӯза ояндаи мо, давомдиҳандагони кори мо ва умеду орзуи мову шумо мебошанд».
«Агар мо хоҳем, ки дар оянда Ватанамон ободу зебо ва ҳамқадами кишварҳои пешрафта гардад, бояд ҳеҷ гоҳ аз раванди таълиму тарбияи насли наврас дар канор набошем», — таъкид намуданд Пешвои миллат.
Ёдовар мешавем, ки дар тули фаъолияти Академияи хурди илмҳои Тоҷикистон натиҷаҳои назаррасу қонеъкунанда аз ҳисоби корҳои илмию таҳқиқотии хонандагони муассисаҳои таҳсилоти миёнаи умумӣ, литсею гимназияҳо аз тамоми шаҳру ноҳияҳои мамлакат мушоҳида гардида истодаанд.
Асоси кор ва фаъолияти Академияи хурди илмҳои Тоҷикистонро бахшҳои ихтисосӣ, маҳфилҳои илмӣ, иттиҳодияҳои эҷодии хонандагон ва Сессияҳои илмии аъзоёни Академияи хурди илмҳои Тоҷикистон ташкил медиҳад.
Дар заминаи Институтҳои илмӣ-таҳқиқотии Академияи миллии илмҳои Тоҷикистон, муассисаҳои таҳсилоти олии касбӣ ва Маркази ҷумҳуриявии таҳсилоти иловагии Вазорати маориф ва илми Ҷумҳурии Тоҷикистон амал мекунанд.
Дар фарҷом ба иштирокчиёни фаъоли Академияи хурди илмҳои Тоҷикистон Диплом ва Сипосномаи Академияи миллии илмҳои Тоҷикистон супорида шуд.
АКС: Академияи миллии илмҳои Тоҷикистон
Мутахассисони Тоҷикистону Чин дар кӯҳҳои Помир корҳои илмӣ гузарониданд
Дар Душанбе рӯнамоии таҳқиқоти академик Муҳаммад Осимӣ баргузор гардид
ҲЕҶ МИЛЛАТИ ДУНЁ БА МИСЛИ «ШОҲНОМА» АСАР НАДОРАД. Беш аз 9900 хонавода дар Нуробод соҳиби туҳфаи Пешвои миллат гардиданд
Шаҳри Панҷакент бо номинатсияи сӯзанӣ ба узвияти Шурои байналмилалии ҳунармандӣ пазируфта мешавад
ТУҲФАИ АРЗАНДАИ ПРЕЗИДЕНТИ ТОҶИКИСТОН. «Шоҳнома»-и безаволи Фирдавсӣ ба сокинони ноҳияи Лахш тақдим гардид
Дар пойгоҳи сейсмикии ноҳияи Лахш таҷҳизоти нав насб карда шуд
Даври сеюми Озмуни ҷумҳуриявии «Фурӯғи субҳи доноӣ китоб аст» имрӯз дар Рашт ҷамъбаст мегардад
«АНДАЛЕБ-2025». Ҳунармандони Ҳисор дар даври минтақавии фестивал-озмун соҳиби холи баланд гардиданд
«ҲОМИИ ИСТИҚЛОЛЕМ». Бо иштироки муҳофизони Ватан дар Осорхонаи миллӣ ҳамоиш доир шуд
Ба сокинони шаҳру ноҳияҳои Бадахшон китоби «Шоҳнома»-туҳфаи Президенти Тоҷикистон тақдим мегардад
«ШОҲНОМА ВАТАН АСТ». Корвони китоби «Шоҳнома» ба ноҳияи Тоҷикобод ворид гардид
«АНДАЛЕБ». Даври дуюми Фестивал-озмуни ҷумҳуриявии телевизионии эҷодиёти халқ идома дорад
