Дар Хадамоти гумрук масъалаи ҷалби иштирокчиёни фаъолияти иқтисоди хориҷӣ баррасӣ гардид

Июнь 11, 2025 13:45

 ДУШАНБЕ,11.06.2025 /АМИТ «Ховар»/. Роҳҳои ҷалби иштирокчиёни фаъолияти иқтисоди хориҷӣ ба институти танзимгари ваколатдори иқтисодӣ дар мулоқоти муовини якуми сардори Хадамоти гумруки назди  Ҳукумати Ҷумҳурии Тоҷикистон Азим Турсунзода бо коршиноси байналмилалӣ дар масъалаи Институти танзимгари ваколатдори иқтисодӣ Ричард Чопра дар шаҳри Душанбе баррасӣ гардид.

АМИТ «Ховар» бо истинод ба Хадамоти гумруки назди Ҳукумати Ҷумҳурии Тоҷикистон иттилоъ медиҳад, ки дар мулоқот ҳамзамон  истифодаи таҷрибаи кишварҳои пешрафта дар ин самт ва тавсияҳои созмонҳои байналмилалӣ матраҳ шуд.

Бояд гуфт, ки соли 2023 дар шаҳри Москва дар ҳошияи сафари расмии Президенти Ҷумҳурии Тоҷикистон Эмомалӣ Раҳмон байни Хадамоти гумруки назди Ҳукумати Ҷумҳурии Тоҷикистон ва Хадамоти федералии гумруки Федератсияи Русия Созишнома дар бораи эътирофи тарафайни мақомоти танзимгарони ваколатдори иқтисодӣ ба имзо расид. Дар ин росто, изҳори омодагии мақомоти гумрук ҷиҳати бастани чунин шартномаҳо бо дигар кишварҳо дар мулоқот таъкид гардид.

Ёдовар мешавем, ки бо мақсади иҷрои талаботи Созишномаи Созмони ҷаҳонии Савдо оид ба содагардонии расмиёти савдо, дар асоси Қонуни Ҷумҳурии Тоҷикистон аз 2 январи соли 2020 ба Кодекси гумруки Ҷумҳурии Тоҷикистон, тағйиру иловаҳо ворид гардида, боби нав 81 оид ба ҷорӣ намудани консепсияи «Танзимгари ваколатдори иқтисодӣ» (Иштирокчии боэътимоди фаъолияти иқтисодии хориҷӣ) илова карда шуд.

Боби мазкур мафҳуми «Танзимгари ваколатдори иқтисодӣ», шартҳои додани мақоми «Танзимгари ваколатдори иқтисодӣ» ба шахси ҳуқуқӣ, дохил намудани он ба Феҳрист, додани шаҳодатнома, бозхондани он, соддагардонии махсуси ба «Танзимгари ваколатдори иқтисодӣ» пешниҳодшаванда ва дигар масъалаҳо марбут ба танзимгари ваколатдори иқтисодиро дар бар мегирад.

Мутобиқи меъёри мазкур,  дар ҷумҳурӣ гурӯҳи шахсони ҳуқуқии ватанӣ ташкил мешавад, ки тибқи қонунҳои амалкунанда фаъолият намуда, расмиёти содагардонидашудаи махсуси барасмиятдарории гумрукиро истифода мебаранд ва ба «руйхати сафед» ворид карда мешаванд.

Иштирокчиёни боэътимоди бозор, ки мақоми «Танзимгари ваколатдори иқтисодӣ»-ро мегиранд, дар рафти барасмиятдарории гумрукӣ аз соддагардонии махсус, аз ҷумла анҷом додани амалиёти гумрукӣ вобаста ба интиқоли молу воситаҳои нақлиёт, дар навбати аввал гузаронидани назорати гумрукӣ дар шакли азназаргузаронии гумрукӣ ё муоинаи  гумрукӣ, нигаҳдории муваққатии мол дар биноҳо, майдончаҳои кушода ва дигар ҳудудҳои худ, иҷозати мол то пешниҳоди декларатсияи гумрукӣ, анҷом додани амалиёти гумрукӣ марбут ба иҷозати мол дар биноҳо, майдончаҳои кушода ва дигар ҳудудҳои худ, пешниҳод накардани таъмини иҷрои уҳдадории пардохти боҷҳои гумрукӣ ва андоз ҳангоми ҷойгир намудани мол таҳти расмиёти гумрукии транзити дохилии гумрукӣ ва ҳангоми иҷозати моле, ки нисбати он дорандаи мақом ҳамчун декларант баромад мекунад, бархӯрдор мегарданд.

АКС: Хадамоти гумруки назди Ҳукумати Ҷумҳурии Тоҷикистон

Июнь 11, 2025 13:45

Хабарҳои дигари ин бахш

Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст
Рақамикунонии соҳаи замин дар Тоҷикистон бо ҳайати Бонки рушди Осиё баррасӣ шуд
Сармоягузорони Чин бо субъектҳои Минтақаи озоди иқтисодии «Суғд» шинос гардиданд
Эмомалӣ Раҳмон: «Дар ду агрегати аввалини НБО «Роғун» то имрӯз 9,1 миллиард киловатт-соат неруи барқ истеҳсол карда шудааст»
Дар Неругоҳи барқи обии «Роғун» беш аз 18 ҳазор коргарон ва кормандони муҳандисию техникӣ фаъолият доранд
Дар Конибодом ҷамъоварии пахта оғоз гардид
Дар беш аз 189 ҳазор гектар кишти такрории зироати кишоварзӣ гузаронида шуд
Иштироки соҳибкорони Тоҷикистон ва Чин дар намоишгоҳҳои байналмилалӣ баррасӣ гардид