Дар Суғд то нимаи соли 2026 беш аз 12 ҳазор иншоот ба истифода дода мешавад

ДУШАНБЕ, 11.06.2025. /АМИТ «Ховар»/. Дар шаҳру ноҳияҳои вилояти Суғд то моҳи сентябри соли 2026 беш аз 12 ҳазор иншооти таъйиноти гуногун сохта ба истифода дода мешавад. Дар ин хусус ба АМИТ «Ховар» аз хадамоти матбуоти Раиси вилояти Суғд хабар доданд.

Тавре дар ҷасалаи корӣ, ки 10 июн доир ба масъалаҳои муҳими иҷтимоиву иқтисодӣ доир шуд, иттилоъ доданд, ки иншооти бунёдшаванда бахшҳои маориф, тандурустӣ, фарҳанг, варзиш, инфрасохтори деҳот ва хизматрасониро фаро гирифта, ба рушди вилоят ва беҳбудии шароити зиндагии сокинон мусоидат менамоянд.

Ҳамчунин дар  ҷаласа  масъалаи кишти пахта, раванди нигоҳубини он ва иҷрои нақшаи дурнамои пахта мавриди баррасӣ қарор дода шуд.

Иброз гардид, ки сари вақт чидани  зардолу ва дигар меваҳои тару тоза, сабзавоти пухтарасида, инчунин  ҷамъоварии беталафи ҳосил яке аз масъалаҳои муҳим барои кишоварзон мебошад. Аз ин рӯ кишовразон аз имконоти мавҷуда истифода намуда, маҳсулоти тару тозаро сари вақт ҷамъоварӣ ва ба корхонаҳо барои басту банд ва ба содирот ирсол намоянд.

АКС: Хадамоти матбуоти Раиси вилояти Суғд