Намояндаи Тоҷикистон дар машварат вобаста ба рушди технологияҳои иттилоотию коммуникатсионии давлатҳои аъзои СҲШ иштирок намуд
ДУШАНБЕ, 19.06.2025 /АМИТ «Ховар»/. Дар Ҷумҳурии Мардумии Чин чорумин машварати роҳбарони вазорату идораҳои давлатҳои аъзои Созмони Ҳамкории Шанхай, ки масъули рушди технологияҳои иттилоотию коммуникатсионӣ мебошанд, баргузор шуд. Дар машварат аз Тоҷикистон сардори Хадамоти алоқаи назди Ҳукумати Ҷумҳурии Тоҷикистон Исфандиёри Саъдулло иштирок намуд. Дар ин хусус ба АМИТ «Ховар» аз Хадамоти алоқаи назди Ҳукумати Ҷумҳурии Тоҷикистон хабар доданд.
Исфандиёри Саъдулло дар машварат иброз дошт, ки бо ташаббуси Президенти Ҷумҳурии Тоҷикистон муҳтарам Эмомалӣ Раҳмон дар Тоҷикистон солҳои 2025–2030 «Солҳои рушди иқтисоди рақамӣ ва инноватсия» эълон гардидааст, ки барои амалӣ намудани ҳадафҳои он тадбирҳои муҳим андешида шудааст.
Ҳамчунин дастовардҳои калидии Тоҷикистон дар соҳаи алоқа ва табдили рақамӣ мавриди таваҷҷуҳи иштирокдорони машварат қарор гирифта, зарурати таҳкими ҳамкории стратегӣ дар доираи Созмони ҳамкории Шанхай таъкид гардид.
Дар ҷараёни ин машварат аз ҷониби иштирокчиён Нақшаи чорабиниҳои кишварҳои аъзои Созмони ҳамкории Шанхай дар самти табдили рақамӣ қабул гардид. Таъкид шуд, ки ин як қадами муҳим дар роҳи ташаккули минтақаи устувор ва пешрафтаи технологӣ маҳсуб мешавад.
Дар анҷоми машварат роҳбарони вазорату идораҳои масъули рушди технологияҳои иттилоотию коммуникатсионии давлатҳои аъзои Созмони ҳамкории Шанхай протоколи дахлдорро ба имзо расониданд.
Инчунин дар доираи ин машварат Форуми рушд ва ҳамкорӣ дар соҳаи технологияҳои рақамии Чин – Созмони ҳамкории Шанхай баргузор гардид.
АКС: Хадамоти алоқаи назди Ҳукумати Ҷумҳурии Тоҷикистон
Дар ноҳияҳои Қубодиён ва Ҷайҳун неругоҳҳои барқи офтобӣ ва бодӣ бунёд мегарданд
Сарраёсати Вазорати молия дар вилояти Хатлон ба маблағи 7 миллион сомонӣ камбудии молиявӣ ошкор намуд
НИШАСТИ МАТБУОТӢ. Барои риоя накардани талаботи бехатарии саноат 226 нафар ба ҷавобгарии маъмурӣ кашида шуданд
НИШАСТИ МАТБУОТӢ. Дар 824 деҳаи Тоҷикистон таҳқиқоти муҳандисию геологӣ гузаронида шуд
Дар корхонаҳои саноатии Мастчоҳ ба маблағи беш аз 410 миллион сомонӣ маҳсулот истеҳсол гардид
ТАҒЙИРЁБИИ ИҚЛИМ. Дар Тоҷикистон Стратегияи миллии мутобиқшавӣ ба тағйирёбии иқлим амалӣ мегардад
Ҳоким Холиқзода бо муовини Президенти Агентии ҳамкории байналмилалии Ҷопон мулоқот намуд
Дар Мурғоб неругоҳи хурди офтобӣ бо иқтидори 1300 кВт ба истифода дода шуд
Дар Душанбе нахустин мағоза бо бренди «Тоҷикзамин» ифтитоҳ гардид
Масъалаи харидории ҳавопаймоҳои «COMAC» ва парвозҳои нав ба шаҳрҳои Чин муҳокима гардид
26 ЯНВАР — РӮЗИ БАЙНАЛМИЛАЛИИ ЭНЕРГИЯИ ТОЗА. Тоҷикистон дар ҷаҳон яке аз давлатҳои пешсаф дар самти истеҳсоли энергияи тоза аст
Масъалаи ҷалби сармояи Индонезия ба иқтисоди Тоҷикистон баррасӣ шуд
