Бонки Осиёии рушд барои дастгирии занони деҳот дар вилояти Хатлон лоиҳаҳо амалӣ менамояд
ДУШАНБЕ, 08.07.2025. /АМИТ «Ховар»/. Дар вилояти Хатлон барои дастгирии занони деҳот аз ҷониби Бонки Осиёии рушд ду лоиҳа — «Идоракунии рақамии соҳаи кишоварзӣ барои таҳкими амнияти озуқаворӣ», «Таъмини воситаҳои устувори зист ва тавонмандсозии занони деҳот» амалӣ карда мешавад. Дар ин хусус ба АМИТ «Ховар» аз хадамоти матбуоти Раиси вилояти Хатлон иттилоъ доданд.
Зимни вохӯрии намояндагони вилояти Хатлон бо Бонки Осиёии рушд иброз гардид, ки лоиҳаҳо ба тақвият бахшидани заминаи рушд барои соҳаи кишоварзии ба тағйирёбиҳои иқлим тобовар равона шудаанд. Инчунин ба рушди корхонаҳои хусусии хеле хурд ва миёна дар деҳот ва таъсиси ҷойҳои нави кор мусоидат менамоянд.
Дар доираи татбиқи лоиҳаҳо чорабиниҳое пешбинӣ гардидаанд, ки ба рушди инфрасохтор, таъсиси марказҳои агрологистикӣ ва бунёди занҷирҳои арзиши иловашуда дар бахши боғдорӣ равона шудааст. Инчунин он рақобатпазирии бозори маҳсулоти кишоварзиро боло бурда, дастрасии деҳқонон ба бозорҳоро беҳтар гардонида, талафоту исрофи маҳсулоти озуқавориро коҳиш медиҳад.
Бо дарназардошти нақши муассири занон дар иқтисоди деҳот, лоиҳа таваҷҷуҳи хосро ба тавонмандсозии занони деҳот зоҳир менамояд. Занони фаъол ҳамчун соҳибкор, кишоварз ва роҳбари хоҷагиҳои хурду миёна дар маркази дастгирӣ қарор мегиранд, ки ин амал ба беҳсозии сатҳи зиндагӣ, истиқлолияти иқтисодӣ ва густариши иштироки онҳо дар ҳаёти иҷтимоиву истеҳсолӣ мусоидат хоҳад кард.
АКС: Хадамоти матбуоти Раиси вилояти Хатлон
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
