Дар Душанбе оид ба иҷрои дастуру супоришҳои Паёми Президенти Ҷумҳурии Тоҷикистон ба Маҷлиси Олӣ ҷаласаи Гурӯҳи корӣ доир гардид
ДУШАНБЕ, 21.07.2025 /АМИТ «Ховар»/. Дар Вазорати рушди иқтисод ва савдо ҷаласаи корӣ оид ба иҷрои сифатнок ва саривақтии дастуру супоришҳои Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ «Дар бораи самтҳои асосии сиёсати дохилӣ ва хориҷии ҷумҳурӣ» аз 28 декабри соли 2024 баргузор гардид. Дар ин хусус ба АМИТ «Ховар» аз Вазорати рушди иқтисод ва савдо хабар доданд.
Муовини якуми Вазири рушди иқтисод ва савдо Ашурбой Солеҳзода иброз намуд, ки иҷрои саривақтии дастуру супоришҳои Президенти Ҷумҳурии Тоҷикистон ба таъмини устувории макроиқтисодӣ дар мамлакат дар шашмоҳаи якуми соли равон замина гузошт. Барои то охири сол нигоҳ доштани устувории макроиқтисодӣ, истифодаи самараноки иқтидори мавҷуда, таъсиси ҷойҳои кории нав, ҷалби сармоя ва баланд бардоштани самаранокии истифодаи захираҳо тадбирҳо муайян гардидаанд. Зарур шуморида шуд, ки вазорату идораҳо таҳлилҳои соҳавиро вобаста ба тамоюлҳои ҷойдошта ба котиботи Гурӯҳи корӣ пешниҳод намоянд.
Таъкид гардид, ки бо назардошти муайян намудани манбаъҳои иловагии рушди иқтисоди миллӣ қарори Ҳукумати Ҷумҳурии Тоҷикистон «Дар бораи дурнамои нишондиҳандаҳои асосии макроиқтисодии Ҷумҳурии Тоҷикистон барои солҳои 2026-2028» қабул карда шуд. Инчунин лоиҳаҳои «Барномаи миллии рушди Ҷумҳурии Тоҷикистон барои солҳои 2026-2030», «Барномаи сармоягузориҳои давлатӣ барои солҳои 2026-2030», Нақшаи амал барои солҳои 2026-2028-и «Стратегияи рушди иқтисоди «сабз» дар Ҷумҳурии Тоҷикистон барои солҳои 2023-2037», «Барномаи давлатии рушди содироти Ҷумҳурии Тоҷикистон барои солҳои 2026-2030» ва дигар ҳуҷҷатҳои муҳими стратегии мамлакат таҳия гардиданд.
Ин ҳуҷҷатҳо мувофиқ ба ҳадафу афзалияти муайяннамудаи Президенти Тоҷикистон, Пешвои миллат муҳтарам Эмомалӣ Раҳмон ва Ҳукумати мамлакат тадбирҳои мушаххасро фаро гирифтаанд.
Дар ҷаласа вобаста ба афзалият ва тамоюлҳои рушди иқтисодиву иҷтимоии Ҷумҳурии Тоҷикистон барои давраи минбаъда муҳокимаронӣ доир шуд. Ҳамзамон аз ҷониби иштирокдорони ҷаласа вобаста ба иҷрои супоришҳои Паёми Президенти Ҷумҳурии Тоҷикистон ба Маҷлиси Олӣ ва дурнамои рушди соҳаҳои мухталифи мамлакат маълумот дода шуд.
АКС: Вазорати рушди иқтисод ва савдои Ҷумҳурии Тоҷикистон
Дар теппаҳои шоҳроҳҳои Душанбе ва ноҳияҳои тобеи ҷумҳурӣ беш аз 106 ҳазор бех ниҳол шинонида шуд
Муовини Сарвазири Тоҷикистон бо фаъолияти кишоварзони шаҳри Исфара шинос гардид
Рушди ҳамкории тиҷоратии Ҷумҳурии Тоҷикистон ва Амороти Муттаҳидаи Арабӣ баррасӣ гардид
АФЗОИШИ ИЗОФАНАВИСИИ ЭНЕРГИЯИ БАРҚ БА СУРАТҲИСОБИ МУШТАРИЁН. Агентии назорати давлатии энергетикӣ дар ин хусус иттилоъ медиҳад
ТАЪСИРИ ОМИЛИ ИНСОНӢ. Бо рушди технологияҳои рақамӣ ва зеҳни сунъӣ он дар тамоми соҳаҳо ва ҳама гуна муносибатҳои молиявӣ коҳиш меёбад
Ҷаласаи панҷуми Кумитаи роҳбарикунандаи Барномаи дастгирии энергетикаи устувор баргузор гардид
Дар Тоҷикистон нахустин Намоишгоҳи байналмилалии ҳалли бастубанд барои саноати хӯрокворӣ ва ғайрихӯрокворӣ баргузор мешавад
НИШАСТИ МАТБУОТӢ. Соли 2025 ба Тоҷикистон 1 миллиону 784 ҳазор сайёҳ ворид гардид
Тоҷикистон ва Озарбойҷон ҳамкориро дар самти рақамисозии хизматрасониҳои давлатӣ тақвият медиҳанд
Байни Тоҷикистон ва Фонди Абузабӣ оид ба рушд Созишномаи молиявӣ ба имзо расид
НИШАСТИ МАТБУОТӢ. Ба 2147 шахси воқеию хуқуқӣ ба маблағи зиёда аз 3 миллион сомонӣ маблағи суғуртавӣ пардохт гардид
