Дар Душанбе татбиқи лоиҳаи «Мутобиқшавии ширхӯрон ба тағйирёбии иқлим дар Осиёи Марказӣ» баррасӣ шуд
ДУШАНБЕ, 02.07.2025 /АМИТ «Ховар»/. Амалӣ намудани лоиҳаи «Мутобиқшавии ширхӯрон ба тағйирёбии иқлим дар Осиёи Марказӣ» яке аз тадбирҳои саривақтӣ буда, барои омӯзиши таъсири тағйирёбии иқлим ба экосистемаҳои Тоҷикистон, мутобиқшавии ширхӯрон, бартараф кардани низоъҳо байни олами вуҳуш ва ҷомеаҳои маҳаллӣ мусоидат менамояд. Ин матлаб дар нишасти дуюми машваратии миллии лоиҳаи «Мутобиқшавии ширхӯрон ба тағйирёбии иқлим дар Осиёи Марказӣ» /CAMCA -Central Asian Mammals and Climate Adaptation/, ки бо иштироки мушовирони байналмилалӣ, мутахассисони вазорату идораҳои давлатӣ ва намояндагони ташкилотҳои ҷамъиятӣ дар шаҳри Душанбе баргузор гардид, баён шуд. Дар ин хусус ба АМИТ «Ховар» аз Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ доданд.
Дар нишаст муовини раиси Кумитаи ҳифзи муҳити зист Лоиқ Раҳмонзода иброз намуд, ки бо мақсади ҳаллу фасли масъалаҳои экологӣ, Кумитаи ҳифзи муҳити зист бо шарикони рушд, бахусус бо Барномаи Созмони Милали Муттаҳид /СММ/ оид ба муҳити зист (ЮНЕП) ҳамкории зичро ба роҳ монда, дар амалӣ намудани сиёсати экологии Ҳукумати Тоҷикистон дар самти ҳифзу нигоҳдории мавзеъҳои табиӣ ва гуногунии биологӣ саҳми намоён гузошта, онро минбаъд ҳам идома медиҳад.
Таъкид шуд, ки дар доираи лоиҳаи CAMCA, ки дар се давлати Осиёи Марказӣ – Тоҷикистон, Қазоқистон ва Қирғизистон аз соли 2022 то инҷониб амалӣ шуда истодааст, занҷираи масъалаҳо, яъне тағйирёбии иқлим, экосистемаҳо, олами вуҳуш ва ҷомеаҳо мавриди тадқиқоту омӯзиш қарор гирифтааст.
Ҳадафи лоиҳаи CAMCA ба ҳифзу нигоҳдории 6 намуди ҳайвони нодир -архар, оҳуи бухороӣ, бабри барфӣ, бузи кӯҳии морхӯр ва хирси малла нигаронида шудааст. Барои ҳифзу нигоҳдории ин ҳайвоноти ширхӯр зарур аст, ки ҷомеаҳои маҳаллӣ ҷалб карда шаванд.
Пас аз шунидани рӯнамоҳо ва маърӯзаҳо муҳокимаву музокираҳо доир гардида, дар анҷоми нишаст барои ташкили шурои ҳамоҳангсозӣ иқдом карда шуд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Тақвияти робитаҳои тиҷоратию иқтисодии Тоҷикистон ва Эрон баррасӣ шуд
«Захираҳои табиии Тоҷикистон дар соҳаи истихроҷи маъдан барои садсолаҳо кофӣ мебошанд», — бардошт аз форуми байналмилалӣ
РӮЗИ БАЙНАЛМИЛАЛИИ МУБОРИЗА БАР ЗИДДИ КОРРУПСИЯ. Дар Тоҷикистон беш аз 20 санади зиддикоррупсионӣ амал менамояд
Қоҳир Расулзода: «То соли 2030 ҳиссаи соҳаи саноат дар иқтисоди миллии Тоҷикистон то ба 30 фоиз мерасад»
ИМРӮЗ — РӮЗИ ГЕОЛОГҲОИ ТОҶИКИСТОН. Маҳз онҳо ояндаи энергетика, саноат, металлургия, сохтмон, ҳатто амнияти иқтисодиро пешакӣ муайян менамоянд
Ҳайати Тоҷикистон дар Форуми сатҳи баланд оид ба фарогирии ҷаҳонии тандурустӣ дар Токио иштирок намуд
Дар Душанбе Форуми дуюми байналмилалии соҳаи саноати маъданҳои кӯҳӣ-металлургии Тоҷикистон доир мегардад
Ҳайати Тоҷикистон дар конгресси байналмилалӣ минералҳои фоиданоки мамлакатро муаррифӣ намуд
Дар шаҳру ноҳияҳои вилояти Хатлон кишти пиёзу картошка идома дорад
Истеҳсоли барқ дар Тоҷикистон ба ҳаҷми оби дарёҳо, шароити ҳаво ва дигар омилҳои табиӣ вобаста аст. Шарҳи коршинос дар ин маврид
ЯХОБМОНӢ-ЗАХИРАИ НАМӢ БАРОИ СОЛИ ОЯНДА. Ин тадбири муҳим дар Тоҷикистон аз охири моҳи ноябр то моҳи феврал гузаронида мешавад
НОРАСОИИ НЕРУИ БАРҚ-МУШКИЛИИ МИҚЁСИ ҶАҲОНӢ. Сабаби асосии он тағйироти иқлим ба ҳисоб меравад
