Дар Суғд 84 корхонаи нав бо 536 ҷойи кор ба истифода дода шуд

Июль 16, 2025 15:44

ДУШАНБЕ, 16.07.2025. /АМИТ «Ховар»/. Ба истиқболи 35-солагии Истиқлоли давлатӣ дар вилояти Суғд дар шашмоҳаи якуми соли равон 84 корхонаи нав бо 536 ҷойи кор мавриди истифода қарор гирифт. Дар ин хусус зимни ҷаласа оид ба ҷамъбасти натиҷаҳои рушди иҷтимоию иқтисодии вилояти Суғд дар шашмоҳаи якуми соли 2025 иттилоъ дода шуд.

Иброз гардид, ки дар вилояти Суғд бахшида ба ҷашни 35-солагии Истиқлоли давлатии Ҷумҳурии Тоҷикистон бунёди беш аз 12 ҳазор иншоот ба нақша гирифта шудааст. То имрӯз 90 фоизи нақша иҷро гардида, дар иншооти боқимонда корҳо идома доранд.

Дар соҳаи маориф 287 муассисаи таҳсилоти томактабӣ бо фарогирии беш аз 48 ҳазор кӯдак ва 962 муассисаи таҳсилоти умумӣ бо фарогирии беш аз 578 ҳазор хонанда фаъолият дошта, шумораи омӯзгорон 37 ҳазору 610 нафарро ташкил медиҳад.

Зимни таҳлили нишондиҳандаҳои иҷтимоию иқтисодии вилоят дар шаш моҳ таъкид гардид, ки бо вуҷуди дастовардҳои назаррас дар аксари бахшҳо то ҳол имконоти мавҷуда ба таври пурра ва мақсаднок истифода нашудаанд. Аз ин рӯ масъулин вазифадор карда шуданд, ки барои афзун гардонидани нишондиҳандаҳои иҷтимоию иқтисодӣ дар семоҳаи оянда аз тамоми захираю имконият самаранок истифода намоянд.

АКС: Хадамоти матбуоти Раиси вилояти Суғд

Июль 16, 2025 15:44

Хабарҳои дигари ин бахш

Хиради омӯзгор ҷаҳлу хурофотро аз байн мебарад ва сарчашмаи комёбиҳо мегардад, — бардошт аз ҳамоиш дар вилояти Хатлон
Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Доир ба заминаҳо, таҳаввулот ва дурнамои Истиқлоли давлатӣ машварати илмӣ-назариявӣ баргузор шуд
Дар ноҳияи Рӯшон майдончаҳои варзишӣ ба истифода дода шуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
Сарвазири Тоҷикистон Қоҳир Расулзода дар ноҳияи Хуросон бо корҳои ободонию созандагӣ шинос шуд
СОҲИБИХТИЁРӢ — АРЗИШИ БУЗУРГУ БЕБАҲО. Нақши Пешвои миллат дар таҳкими истиқлоли давлатӣ беназир аст
Дар даромадгоҳи дараи Камароб Маркази хизматрасонии сайёҳӣ ба истифода дода шуд
Дар Москва Парчами давлатии Тоҷикистон ба ифтихори 34-солагии Истиқлолият намоиш дода мешавад
35-СОЛАГИИ ИСТИҚЛОЛИ ДАВЛАТӢ. Дар Истаравшан беш аз 60 километр роҳ пурра мумфарш карда шуд
ОМОДАГӢ БА СОЛИ НАВИ ТАҲСИЛ. Донишкадаи давлатии санъати тасвирӣ ва дизайни Тоҷикистон барои қабули донишҷӯён омода аст
Дар Нуробод бинои Муассисаи таҳсилоти умумӣ бо 288 ҷой дар ду баст ифтитоҳ шуд