Дар Тоҷикистон Кодекси энергетикӣ таҳия ва қабул карда мешавад
ДУШАНБЕ, 02.07.2025 /АМИТ «Ховар»/. Дар Тоҷикистон Кодекси энергетикӣ таҳия ва қабул карда мешавад, иттилоъ медиҳад АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон.
Тибқи иттилои манбаъ, 2 июл дар Вазорати энергетика ва захираҳои оби Ҷумҳурии Тоҷикитсон ҷаласаи навбатии гурӯҳи корӣ оид ба таҳияи лоиҳаи Кодекси энергетикии Ҷумҳурии Тоҷикистон баргузор шуд. Дар ҷаласа намояндагони вазорату идораҳои дахлдор, коршиносони соҳаи энергетика, ташкилоту муассисаҳои байналмилалӣ, ки дар соҳаи энергетика фаъолият доранд, иштирок доштанд.
Зимни ҷаласа ҷараёни таҳия лоиҳаи кодекс мавриди баррасӣ қарор гирифта, пешниҳодҳо ҷиҳати мукаммалсозии он дар заминаи таҷрибаи пешқадами байналмилалӣ ва талаботи муосири рушди энергетика манзур гардиданд.
Лоиҳаи Кодекси энергетикӣ фарогири масъалаҳои калидии соҳа, аз ҷумла баланд бардоштани самаранокии энергетикӣ ва истифодаи сарфаҷӯёнаи энергия, танзими муносибатҳо дар бахши истеҳсол, интиқол ва истифодаи неруи барқ, гармӣ ва геотермалӣ, рушди манбаъҳои барқароршавандаи энергия, таъмини амнияти энергетикӣ ва ҷалби сармоягузорӣ мебошад.
Таъкид гардид, ки айни замон 70 дарсади лоиҳаи Кодекси энергетикӣ таҳия гардида, ин санад барои танзими ҳамаҷонибаи муносибатҳои ҳуқуқӣ дар бахши энергетика ва таҳкими заминаи қонунгузорӣ ҷиҳати рушди устувори соҳа аҳамияти хос дорад.
АКС: Вазорати энергетика ва захираҳои оби Ҷумҳурии Тоҷикистон
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
