Ангури хуштаъми Тоҷикистон дар бозорҳои шаҳри Самара ба фурӯш гузошта шудааст
ДУШАНБЕ, 27.08.2025. /АМИТ «Ховар»/. Давоми ҳафтаи охир даҳҳо тонна ангури хуштаъм ва болаззат аз Тоҷикистон ба шаҳри Самараи Федератсияи Русия содирот гардид. Ангури Тоҷикистон ба вилояти Самара дар заминаи шартномаҳои ҳамкорӣ бо суръати баланд содирот карда мешавад. Дар ин хусус мухбири АМИТ «Ховар» хабар медиҳад.
Ин иқдом дар доираи Стратегияи давлатии рушди содироти маҳсулоти кишоварзӣ амалӣ шуда, барои деҳқонон ва корхонаҳои коркарди маҳсулоти ватанӣ имкони нави даромад фароҳам овардааст.
Ангури Тоҷикистон, ки бо таъми ширин ва сифати баланд шуҳрат ёфтааст, на танҳо дар дохили мамлакат, балки дар хориҷа низ харидори зиёд дорад. Масъулин иброз медоранд, ки ҳамкорӣ бо бозорҳои дигар шаҳрҳои Русия низ дар назар дошта шудааст.
Ин тадбир ба афзоиши ҳаҷми содирот ва муаррифии бештари маҳсулоти истеҳсоли Тоҷикистон дар бозорҳои байналмилалӣ мусоидат намуда, дар бозорҳои ҷаҳонӣ метавонад соҳиби ҷойгоҳи устувор гардад.
Ҳаҷми содирот аз Тоҷикистон нисбат ба ҳамин давраи соли 2024 афзоиш ёфта, далели тақвияти ҳамкории тиҷоратӣ ва мустаҳкам шудани мавқеи маҳсулоти кишоварзии Тоҷикистон дар бозорҳои хориҷӣ мебошад.
Ангури содиротӣ асосан аз боғҳои вилояти Хатлон ва ноҳияҳои тобеи ҷумҳурӣ ҷамъоварӣ гардида, тавассути ширкатҳои логистикии ихтисосёфта ба шаҳри Самара интиқол дода мешавад. Пеш аз фиристодан ангур дар анборҳои муҷаҳҳаз бо таҷҳизоти сардкунӣ нигоҳдорӣ ва тибқи стандартҳои байналмилалии содиротӣ бастабандӣ карда мешавад.
Содироти ангур на танҳо манбаи даромад, балки роҳи дурусти муаррифии маҳсулоти кишоварзӣ ва заҳмати мардуми тоҷик ба ҷаҳониён мебошад. Дар назар аст, ки ояндаи наздик ҳаҷми содироти ангур ба дигар минтақаҳои Федератсияи Русия низ афзоиш дода шавад.
АКС: АМИТ «Ховар»
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
Сертификатсияи стандартҳои ESG барои кормандони Вазорати молия бо намояндаи Nasdaq баррасӣ гардид
Дурнамои таҳкими ҳамкории дуҷониба байни Тоҷикистон ва Русия дар соҳаҳои энергетика ва нафту газ баррасӣ шуд
Дар Душанбе масоили технологияҳои молиявӣ ва навовариҳо ҳамчун муҳаррики сармоягузорӣ баррасӣ гардид
Афзалияти стратегии Тоҷикистон дар самтҳои идоракунии устувори молияи давлатӣ, молияи «сабз» ва иқлим дар Амрико баррасӣ гардид
Ҳайати Тоҷикистон дар ҷаласаи пленарии VIII Форуми байналмилалии «Ҳафтаи энергетикии Русия» иштирок намуд
