Дар Москва ҷаласаи навбатии коршиносони Шурои роҳбарони хадамоти гумруки ИДМ баргузор гардид
ДУШАНБЕ, 23.08.2025 /АМИТ «Ховар»/. Масъалаҳои марбут ба таҳкими ҳамкории байналмилалӣ дар самти фаъолияти гумрукӣ дар ҷаласаи навбатии коршиносони Шурои роҳбарони хадамоти гумруки Иттиҳоди Давлатҳои Мустақил, ки дар пойтахти Федератсияи Русия –шаҳри Москва баргузор шуд, баррасӣ гардиданд. Дар ин хусус ба АМИТ «Ховар» аз Хадамоти гумруки назди Ҳукумати Ҷумҳурии Тоҷикистон иттилоъ доданд.
Дар ҷаласа масъалаҳои рушди низоми табодули иттилоот, мубориза бо қонуншиканиҳо дар соҳаи гумрук, инчунин дигар масъалаҳои муҳими соҳа муҳокима карда шуданд.
Ҳадафи асосии ҷаласа таҳкими ҳамгироӣ байни хадамоти гумруки кишварҳои аъзои Иттиҳоди Давлатҳои Мустақил ва баланд бардоштани самаранокии ҳамкории гумрукӣ дар доираи минтақаи муштарак арзёбӣ гардид.
Аз Ҷумҳурии Тоҷикистон дар ҷаласаи навбатии коршиносони Шурои роҳбарони хадамоти гумруки Иттиҳоди Давлатҳои Мустақил намояндаи Хадамоти гумруки назди Ҳукумати Ҷумҳурии Тоҷикистон дар Федератсияи Русия Хуршед Одиназода иштирок намуд.
АКС: Хадамоти гумруки назди Ҳукумати Ҷумҳурии Тоҷикистон
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
Татбиқи лоиҳаҳои сармоягузорӣ дар самти энергияи барқароршаванда байни Тоҷикистон ва Ҳиндустон баррасӣ шуд
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
