Дар шаҳри Панҷакент бинои нуҳошёнаи истиқоматӣ ба истифода дода шуд
ДУШАНБЕ, 10.08.2025 /АМИТ «Ховар»/. Дар хиёбони Рӯдакии шаҳри Панҷакент бинои истиқоматии хуштарҳ ба истифода дода шуд.
Тавре АМИТ «Ховар» бо истинод ба Мақомоти иҷроияи ҳокимияти давлатии шаҳри Панҷакент хабар медиҳад, бино аз нуҳ ошёна иборат буда, дорои 96 манзили барҳавои хуштарҳ мебошад.
Дар қабати аввали бинои истиқоматӣ маркази тиҷорату хидматрасонӣ ҷойгир буда, бино бо лифт, оби доимии нӯшокӣ, ки тавассути чоҳи амудӣ кашида мешавад, майдончаи бозии кӯдакон ва ҷой барои нақлиёт таъмин аст.
Дар маҷмуъ дар шаҳри Панҷакент дар доираи нақшаи омодагиҳо ба 35- солагии истиқлоли давлатии ҷумҳурӣ 760 иншооти гуногун мавриди истифода қарор гирифтаанд. Ҳоло дар зиёда аз 224 иншоот, аз ҷумла 48 бинои истиқоматии бисёрошёна бо марказҳои савдо ва хизматрасонӣ, 4 бинои муассисаи тандурустӣ, 14 бинои муассисаи таълимӣ, 2 бинои муасссисаи томактабӣ, 10 корхонаву коргоҳҳои истеҳсолӣ, 4 меҳмонхона, 4 бинои маъмурӣ, 15 иншооти варзишӣ ва дигар иншооти хизматрасонӣ сохтмон идома дошта, дар онҳо беш аз 2852 нафар ба кор ҷалб карда шудаанд.
АКС: Мақомоти иҷроияи ҳокимияти давлатии шаҳри Панҷакент
Президенти Ҷумҳурии Тоҷикистон Эмомалӣ Раҳмон дар ноҳияи Данғара Муассисаи таҳсилоти миёнаи умумии №1-ро ифтитоҳ намуданд
Сарвари давлат Эмомалӣ Раҳмон бинои нави Раёсати маорифи ноҳияи Данғараро мавриди истифода қарор доданд
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
Пешвои миллат Эмомалӣ Раҳмон дар ноҳияи Данғара ду бинои нави таълимии Донишгоҳи давлатии тиббии Хатлонро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар деҳаи Корези ноҳияи Данғара Маркази нави саломатиро ба истифода доданд
