Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
ДУШАНБЕ, 26.08.2025 /АМИТ «Ховар»/. Густариши ҳамкории дуҷониба дар самти ҷавонон ва варзиш ва мубодилаи таҷриба дар бахши рушду тарбияи насли ҷавон дар мулоқоти Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода бо Вазири варзиш ва ҷавонони Ҷумҳурии Исломии Эрон Аҳмади Дунёмолӣ дар Теҳрон баррасӣ гардид.
АМИТ «Ховар» бо истинод ба Кумитаи кор бо ҷавонон ва варзиши назди Ҳукумати Ҷумҳурии Тоҷикистон иттилоъ медиҳад, ки ҷонибҳо доир ба тақвияти робитаҳои дӯстона байни созмонҳои варзишӣ ва ҷавонони ҳарду мамлакат, инчунин татбиқи барномаҳои муштарак барои солҳои 2025–2026 табодули назар намуданд.
Вазири варзиш ва ҷавонони Ҷумҳурии Исломии Эрон ҳамкории Тоҷикистону Эронро дорои заминаҳои амиқи таърихию фарҳангӣ арзёбӣ намуда, изҳор дошт, ки ин робитаҳо метавонанд дар таҳкими дӯстӣ ва рушди варзиши касбию оммавӣ нақши муассир дошта бошанд.
Ҳайати Тоҷикистон барои татбиқи барномаҳои муштарак, аз ҷумла баргузории мусобиқаҳои гуногуни дӯстонаи варзишӣ, табодули ҳайатҳои ҷавонон ва таҷрибаомӯзии мутахассисон изҳори омодагӣ намуд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Дар Хуҷанд мусобиқаи кушоди вилоятӣ оид ба бокс оғоз гардид
ҶОМИ ОСИЁ-2026. Рақибони дастаи мунтахаби Тоҷикистон оид ба футзал муайян шуданд
ҶОМИ ҶАҲОН-2025. Имрӯз дастаи мунтахаби наврасони Тоҷикистон (U-17) бо дастаи Буркина-Фасо бозӣ мекунад
Ҳайати дастаи мунтахаби Тоҷикистон барои бозии интихобии Ҷоми Осиё-2027 ба муқобили дастаи Тимори Шарқӣ муайян гардид
Мусобиқаи байналмилалӣ оид ба шоҳмот барои дарёфти «Ҷоми Президенти Ҷумҳурии Тоҷикистон» оғоз гардид
Варзишгарони тоҷик дар 6-умин Бозиҳои ҳамбастагии исломӣ-2025 соҳиби шаш медал гардиданд
Пагоҳ дар Душанбе Мусобиқаи байналмилалӣ барои дарёфти «Ҷоми Президенти Ҷумҳурии Тоҷикистон» оид ба шоҳмот оғоз мегардад
Байни Тоҷикистон ва Арабистони Саудӣ дар соҳаи тарбияи ҷисмонӣ ва варзиш барномаи ҳамкорӣ ба имзо расид
Иштироки ҳайати Тоҷикистон дар маросими ифтитоҳӣ 6-умин Бозиҳои ҳамбастагии исломӣ
ҶОМИ ҶАҲОН-2025. Имрӯз дастаи наврасони Тоҷикистон (U-17) дар даври дуюм бо дастаи футболи ИМА бозӣ мекунад
Тоҷикистонро дар Бозиҳои ҳамбастагии исломӣ 65 варзишгар намояндагӣ мекунанд
ҶОМИ ҶАҲОН-2025. Имрӯз дастаи наврасони Тоҷикистон (U-17) нахустин бозии худро мегузаронад
