Дипломатҳои ҷавони Тоҷикистон дониши худро оид ба ҳуқуқи байналмилалии башардӯстӣ такмил доданд
ДУШАНБЕ, 08.08.2025 /АМИТ «Ховар»/. Дар доираи ҳамкории Вазорати корҳои хориҷии Ҷумҳурии Тоҷикистон ва миссияи Кумитаи байналмилалии Салиби Сурх дар Тоҷикистон аз 2 июл то 6 август барои дипломатҳои ҷавон даври омӯзишӣ оид ба ҳуқуқи байналмилалии башардӯстӣ баргузор гардид. Дар ин хусус ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
Маърузаҳоро роҳбари намояндагии Кумитаи байналмилалии Салиби Сурх дар Тоҷикистон, мушовири ҳуқуқии Кумитаи байналмилалии Салиби Сурх ва профессори Академияи миллии илмҳои Тоҷикистон хонданд.
Зимни даври омӯзишӣ кормандони Вазорати корҳои хориҷӣ дониши худро оид ба асосҳои ҳуқуқи байналмилалии башардӯстӣ такмил дода, ба таҳқиқи мавзуъҳои асосии конвенсияҳои Женеваи соли 1949 оид ба муҳофизати қурбониёни низоъҳои мусаллаҳ ва протоколҳои иловагии соли 1977 машғул шуданд.
Иштирокчиён бо шартномаҳои байналмилалии нави соҳа ва Ташаббуси глобалӣ оид ба таҳкими пойбандии сиёсӣ ба ҳуқуқи байналмилалии башардӯстӣ шинос шуданд.
Ҳамчунин ба ҳамгироии муваффақонаи меъёрҳои ҳуқуқи байналмилалии башардӯстӣ дар қонунгузории миллӣ, бахусус дар Кодекси ҷиноятии Ҷумҳурии Тоҷикистон таваҷҷуҳ зоҳир гардид.
Ҳоло Тоҷикистон ба беш аз 20 шартномаи байналмилалӣ дар соҳаи ҳуқуқи байналмилалии башардӯстӣ ҳамроҳ аст.
Дар анҷоми даври омӯзишӣ ба иштирокчиёни фаъол гувоҳномаи Кумитаи байналмилалии Салиби Сурх супорида шуд.
АКС: Вазорати корҳои хориҷии Ҷумҳурии Тоҷикистон
Сироҷиддин Муҳриддин бо муовини Дабири кулли СММ оид ба масъалаҳои иқтисодӣ ва иҷтимоӣ Ли Ҷунҳуа мулоқот намуд
Дар Ню-Йорк бо ибтикори Тоҷикистон бахшида ба Рӯзи ҷаҳонии пиряхҳо ҳамоиш баргузор гардид
Ҳайати Тоҷикистон дар чорабинии сатҳи баланд бахшида ба Рӯзи ҷаҳонии об дар Ню-Йорк иштирок намуд
Дар Сеул китоби «Анъанаҳои Наврӯз дар масири Шоҳроҳи абрешим» рӯнамоӣ гардид
Раванди оби Душанбе табодули афкор ва назарҳоро дар бораи нақши захираҳои об таъмин менамояд
Дар Донишгоҳи Ҳирошима Ҷашни байналмилалии Наврӯзро таҷлил намуданд
Ҳамкории Тоҷикистон бо сохтори СММ оид ба масоили коҳиши офатҳои табиӣ баррасӣ гардид
Намояндаи доимии Тоҷикистон бо мудири кулли ЮНЕСКО мулоқот намуд
Дар Москва ҷашни байналмилалии Наврӯзро бо шукуҳу шаҳомати хосса таҷлил намуданд
Муаррифии Тоҷикистон дар Намоишгоҳи байналмилалии китоб дар шаҳри Минск идома дорад
Тоҷикистон ба Конвенсияи СММ бар зидди ҷиноятҳои киберӣ имзо намуд
Дар Минск таҳти унвони «Нақши Устувонаи Куруши Кабир дар ташаккули ҳуқуқ ва озодиҳои муосири инсон» чорабинӣ баргузор шуд
