Лоиҳаи «Барномаи миллии рушди Ҷумҳурии Тоҷикистон барои солҳои 2026–2030» баррасӣ гардид
ДУШАНБЕ, 02.08.2025 /АМИТ «Ховар»/. Дар Вазорати рушди иқтисод ва савдои Ҷумҳурии Тоҷикистон таҳти роҳбарии Вазири рушди иқтисод ва савдо Завқӣ Завқизода бо ҳамраиси Шурои ҳамоҳангсози шарикони рушд, Ҳамоҳангсози доимии Созмони Милали Муттаҳид дар Ҷумҳурии Тоҷикистон Парвати Рамасвами, намояндагони ҷомеаи шаҳрвандӣ, ассотсиатсияҳои бахши хусусӣ ва коршиносони соҳавӣ роҷеъ ба муаррифӣ ва баррасии лоиҳаи «Барномаи миллии рушди Ҷумҳурии Тоҷикистон барои солҳои 2026-2030» ҳамоиш баргузор гардид.
Дар ҷаласа Завқӣ Завқизода иброз намуд, ки лоиҳаи «Барномаи миллии рушди Ҷумҳурии Тоҷикистон барои солҳои 2026-2030» барои иҷрои супориши Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон вобаста ба амалишавии ҳадафҳои стратегии мамлакат таҳия гардида, таклифу пешниҳодҳои шарикони рушд, намояндагони ҷомеаи шаҳрвандӣ, ассотсиатсияҳои бахши хусусӣ ва коршиносони соҳавӣ барои такмили лоиҳаи ин барнома муҳим мебошанд.
Сипас ба иштироккунандагон лоиҳаи «Барномаи миллии рушди Ҷумҳурии Тоҷикистон барои солҳои 2026-2030» муаррифӣ карда шуд. Дар он ҳадафу афзалияти рушди мамлакат, аз ҷумла рақамикунонӣ, рушди саноат ва зеҳни сунъӣ, рушди иқтисодӣ дар асоси навоварӣ, илм ва ихтироот, рушди сармояи инсонӣ ва дигарҳо инъикос гардиданд.
Дар ҷаласа роҳбарони ташкилоти байналмилалӣ — аъзои Шурои ҳамоҳангсози шарикони рушд, намояндагони ҷомеаи шаҳрвандӣ, ассотсиатсияҳои бахши хусусӣ ва коршиносони соҳавӣ сухан гуфта, оид ба такмили лоиҳаи «Барномаи миллии рушди Ҷумҳурии Тоҷикистон барои солҳои 2026-2030» пешниҳодҳои созанда манзур намуданд.
Бояд гуфт, ки «Барномаи миллии рушди Ҷумҳурии Тоҷикистон барои солҳои 2026-2030» марҳилаи сеюми татбиқи «Стратегияи миллии рушди Ҷумҳурии Тоҷикистон барои давраи то соли 2030» ба ҳисоб меравад.
Лоиҳаи «Барномаи миллии рушди Ҷумҳурии Тоҷикистон барои солҳои 2026-2030» дар қадамҳои минбаъда дар мувофиқа бо вазорату идораҳои мамлакат ба баррасии Ҳукумати Ҷумҳурии Тоҷикистон пешниҳод карда мешавад.
АКС: Вазорати рушди иқтисод ва савдои Ҷумҳурии Тоҷикистон
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
