Нақшаи ҷамъоварии пардохтҳои гумрукӣ дар Тоҷикистон дар сатҳи 112,2 фоиз таъмин гардид
ДУШАНБЕ, 08.08.2025 /АМИТ «Ховар»/. Мақомоти гумруки Тоҷикистон иттилоъ медиҳад, ки дар шашмоҳаи якуми соли 2025 нақшаи ҷамъоварии пардохтҳои гумрукӣ дар мамлакат дар сатҳи 112,2 фоиз таъмин гардид.
Тавре Сардори Ҳадамоти гумруки назди Ҳукумати Ҷумҳурии Тоҷикистон Хуршед Каримзода дар нишасти матбуотӣ ба доираи васеи намояндагони воситаҳои ахбори омма иброз дошт, нақшаи пардохтҳои гумрукӣ, ки 5 миллиарду 98,6 миллион сомонӣ пешбинӣ гардида буд, дар шаш моҳи соли равон ба буҷети давлатӣ 5 миллиарду 721,9 миллион сомонӣ ворид карда шуд. Ин нисбат ба нақша ба қадри 623,3 миллион сомонӣ ва нисбат ба пардохтҳои гумрукии ҷамъоваришуда дар ҳамин давраи соли 2024 1 миллиарду 109,0 миллион сомонӣ ё 124,0 фоиз зиёд мебошад.
Иҷрои нақша аз рӯи намуди пардохтҳои гумрукӣ, аз ҷумла воридоти андоз аз арзиши иловашуда ба андозаи 107,5 фоиз ё 290,8 миллион сомонӣ зиёд, боҷи гумрукӣ 133,3 фоиз ё 210,4 миллион сомонӣ зиёд, боҷи содиротӣ 75,4 фоиз ё 19,4 миллион сомонӣ кам, андози аксизӣ 106,4 фоиз ё 27,3 миллион сомонӣ зиёд ва воридоти ғайриандозӣ ба қадри 307,9 фоиз ё 173,4 миллион сомонӣ зиёд таъмин карда шуд.
Хуршед Каримзода гуфт, ки новобаста аз идома ёфтани буҳрони молиявӣ-иқтисодӣ дар робита ба ногувор шудани вазъи сиёсии минтақа ва ҷаҳон, ки ҳангоми интиқоли борҳо байни шарикони тиҷорати хориҷии ҷумҳурӣ боиси ба миён омадани душвориҳои зиёд гардид, Хадамоти гумрук тавонист нақшаи пардохтҳои гумрукиро иҷро ва барзиёд таъмин намояд.
Аз таҳлилҳо бармеояд, ки сабаби асосии барзиёд иҷро гардидани нақшаи пардохтҳои гумрукӣ дар маҷмуъ амалӣ намудани дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон оид ба рақамикунонии соҳа ва дар ин раванд такмил додани низоми маъмурикунонии гумрукӣ ба ҳисоб меравад. Аз ҷумла, қабулу татбиқи амалии «Барномаи миёнамуҳлати рушди мақомоти гумруки Ҷумҳурии Тоҷикистон барои солҳои 2020-2024» ва нақшаи чорабиниҳо оид ба амалисозии он дар ин самт нақши муассир дорад.
Марзия САИДЗОДА,
АМИТ «Ховар»
АКС: Хадамоти гумруки назди Ҳукумати Ҷумҳурии Тоҷикистон
Дар водиҳои Тоҷикистон кишти баҳории картошка аз нимаи дуюми моҳи феврал оғоз мегардад
Дар Тоҷикистон беш аз 29 ҳазор тонна равғани растанӣ истеҳсол шудааст
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
Бо мақсади рушди устувори соҳаи захираҳои об Ёддошти тафоҳуми ҳамкорӣ ба имзо расид
Масоили маблағгузории идомаи сохтмони НБО –и «Роғун» баррасӣ гардид
Блогерони тоҷик ба маблағи беш аз 5 миллион сомонӣ андоз супориданд
