НИШАСТИ МАТБУОТӢ. Дар Тоҷикистон шумораи ҷиноятҳои қаллобӣ, дуздӣ ва авбошӣ зиёд гардидааст
ДУШАНБЕ, 07.08.2025. /АМИТ «Ховар»/. Дар шаш моҳи соли 2025 дар ҷумҳурӣ 13 ҳазору 89 ҷиноят ба қайд гирифта шудааст, ки нисбат ба ҳамин давраи соли 2024 1285 ҷиноят зиёд мебошад. Дар ин хусус имрӯз зимни нишасти матбуотӣ Вазири корҳои дохилии Ҷумҳурии Тоҷикистон Рамазон Раҳимзода ба хабарнигорон иттилоъ дод.
Иброз гардид, ки аз шумораи умумии ҷиноятҳо 28 ҳолат ба одамкушӣ ва суиқасд ба он, 20 адад ба роҳзанӣ, 57 адад ба ғоратгарӣ, 24 адад ба таҷовуз ба номус, 64 адад ба расонидани зарари вазнин ба саломатӣ, 762 адад ба авбошӣ, 2356 адад ба қаллобӣ, 2182 адад ба дуздӣ, 33 адад ба тамаъҷӯӣ ва 486 ҳолат ба муомилоти ғайриқонунии воситаҳои нашъадор рост меояд.
«Дар ин давра аз ҳама бештар ҷиноятҳои қаллобӣ, дуздӣ ва авбошӣ, муомилоти ғайриқонунии воситаҳои нашъадор ва террористию экстремистӣ ба қайд гирифта шудаанд»,-иброз дошт Рамазон Раҳимзода.
Вазири корҳои дохилии Ҷумҳурии Тоҷикистон баён дошт, ки новобаста аз он ки мардум аз амалҳои қаллобӣ огоҳ ҳастанд, аммо бархе нафарон дидаю дониста ба доми қаллобон афтода, маблағҳои пасандози худро ба дасти онҳо медиҳанд, ки боиси расидани зарари моддию маънавӣ мегардад. Аз ин рӯ аз сокинони мамлакат хоҳиш карда мешавад, ки ҳангоми доду гирифт ва муомилоти пулӣ эҳтиёткор бошанд.
Мубориза бар зидди ҷинояткорӣ, хусусан ҷиноятҳои террористию экстремистӣ, муомилоти ғайриқонунии воситаҳои нашъадор ва ифротшавии ҷомеа, ҳамзамон ҳифзу таъмини тартиботи ҷамъиятӣ аз самтҳои асосии фаъолияти кормандони ин мақомот ба ҳисоб меравад.
Зимни нишасти матбуотӣ иттилоъ дода шуд, ки дар давраи ҳисоботӣ 6 гурӯҳи муташаккили ҷиноятӣ дар ҳайати 23 нафар барои содир намудани 73 ҷиноят ошкор карда шуд.
Дар натиҷаи пурзӯр намудани ҳамкорӣ бо аҳолӣ 283 силоҳи оташфишон мусодира гардид.
Моҳинави НАВРӮЗ,
АМИТ «Ховар»
АКС аз манбаъҳои боз
Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
Дар Бадахшон ҷаласаи сайёри Комиссияи байниидоравӣ оид ба муқовимат ба савдои одамон баргузор шуд
Дар вилояти Хатлон ҷаласаи Шурои амният баргузор шуд
Дар Душанбе иқдоми «Тасмаи бехатарӣ – муҳофизи шумо дар роҳ» гузаронида шуд
