Санадҳои ниҳоии Конфронси байналмилалии сатҳи баланд оид ба ҳифзи пиряхҳо интишор гардиданд
ДУШАНБЕ, 29.08.2025 /АМИТ «Ховар»/. Санадҳои ниҳоии Конфронси байналмилалии сатҳи баланд оид ба ҳифзи пиряхҳо, аз ҷумла Эъломияи Душанбе оид ба пиряхҳо, муроҷиатномаи Душанбе ва ҳисоботи раисикунанда ҳамчун ҳуҷҷатҳои расмии иҷлосияи 79-уми Маҷмаи Умумии Созмони Милали Муттаҳид байни кишварҳои аъзо интишор гардиданд. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Ёдовар мешавем, ки 29-31 майи соли 2025 дар шаҳри Душанбе нахустин Конфронси байналмилалии сатҳи баланд оид ба ҳифзи пиряхҳо баргузор гардид, ки дар он беш аз 2500 коршиноси сатҳи баланд аз 80 кишвар, роҳбарони ҳайатҳои якчанд ҳукуматҳо, намояндагони воломақоми созмонҳои минтақавию байналмилалӣ, пажӯҳишгоҳҳо ва шарикони рушд иштирок намуданд.
Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар нахустин Конфронси байналмилалии сатҳи баланд оид ба ҳифзи пиряхҳо иштирок ва суханронӣ намуданд.
Сарвари давлат муҳтарам Эмомалӣ Раҳмон конфронсро қадами муҳим дар самти татбиқи қатъномаи Созмони Милали Муттаҳид дар бораи Соли байналмилалии ҳифзи пиряхҳо эълон намудани соли 2025 номиданд.
Роҳбари давлат муҳтарам Эмомалӣ Раҳмон таваҷҷуҳи коршиносонро ба масъалаи обшавии босуръати пиряхҳо, ки имрӯз ба буҳрони глобалии замони мо табдил ёфтааст, ҷалб карда, коҳишёбии онро раванди ташвишовар дар таърихи инсоният арзёбӣ намуданд.
Пешвои миллат муҳтарам Эмомалӣ Раҳмон оид ба тағйирёбии иқлим, коҳишёбии бесобиқаи пиряхҳо ва оқибатҳои фоҷеабори он барои аҳолии сайёра бо таҳлилҳо андешаронӣ намуда, зарур шумурданд, ки ҷомеаи ҷаҳонӣ барои дарёфти ҳалли ин мушкилот бояд талошу кӯшиши муштарак ба харҷ диҳад.
Таъкид карда шуд, ки Тоҷикистон низ ҳамчун давлати дорои бузургтарин пиряхҳои Осиёи Марказӣ ба ин мушкилот дучор шудааст.
Сарвари давлат иброз доштанд, ки камшавии пиряхҳо на танҳо ба мероси табиии мо, балки ба ҳаёти миллионҳо нафар дар минтақа таҳдид мекунад.
Роҳбари давлат муҳтарам Эмомалӣ Раҳмон изҳор доштанд, ки Тоҷикистон дар бист соли охир рӯзномаи об ва иқлимро дар арсаи байналмилалӣ фаъолона пешбарӣ намуда, ҳамзамон бо ин зарурати вокуниши фаврию муштаракро барои ҳифзи пиряхҳо таъкид мекунад.
Пешвои миллат муҳтарам Эмомалӣ Раҳмон ёдовар шуданд, ки бо назардошти аҳаммияти масъалаи мазкур бо ибтикори Тоҷикистон дар асоси қатъномаи Маҷмаи Умумии Созмони Милали Муттаҳид соли 2025 Соли байналмилалии ҳифзи пиряхҳо ва 21 март Рӯзи ҷаҳонии пиряхҳо эълон гардида, дар назди Созмони Милали Бунёди эътимоди байналмилалӣ оид ба ҳифзи пиряхҳо таъсис дода шуд.
АКС: Хадамоти матбуоти Президенти Ҷумҳурии Тоҷикистон / АМИТ «Ховар»
Вазорати корҳои хориҷии Тоҷикистон аз шомил шудани бархе аз бонкҳои кишвар ба феҳристи таҳримҳои Иттиҳоди Аврупо изҳори нигаронӣ намуд
Сироҷиддин Муҳриддин бо Одрӣ Азуле масъалаҳои густариши ҳамкории Тоҷикистон ва ЮНЕСКО-ро баррасӣ намуданд
Дар Самарқанд нақши Тоҷикистон дар ҳалли мушкилоти тағйирёбии иқлим ва обшавии пиряхҳо таъкид карда шуд
Дар шаҳри Пусан ҳамкории Ҷумҳурии Корея бо кишварҳои Осиёи Марказӣ дар соҳаи сайёҳӣ баррасӣ шуд
Байни Тоҷикистон ва Арабистони Саудӣ Ёддошти тафоҳум оид ба ҳамкорӣ дар соҳаи мудофиаи гражданӣ ва ҳимоя ба имзо расид
Ҳайати Тоҷикистон дар Конфронси генералии ЮНЕСКО иштирок менамояд
Дар Минск мулоқоти муовинони вазирони корҳои хориҷии Тоҷикистон ва Ҳиндустон баргузор шуд
Бо ташаббуси Тоҷикистон ҳамоҳангии талошҳои ИДМ, СААД ва СҲШ дар мубориза бо тундгароӣ баррасӣ шуд
Дар Минск ҷаласаи навбатии Шурои намояндагони ваколатдори доимии ИДМ баргузор гардид
Намояндаи Тоҷикистон дар Конференсияи III байналмилалии Минск оид ба амнияти АвруОсиё иштирок намуд
Дар Риёз ҳамкории Тоҷикистон ва Арабистони Саудӣ дар бахши гуманитарӣ ва иҷтимоӣ баррасӣ шуд
Ҷалби сармояи Амороти Муттаҳидаи Араб ба бахшҳои гуногун дар Тоҷикистон баррасӣ шуд
