Сатҳи забондонии кормандони Вазорати корҳои дохилӣ санҷида мешавад
ДУШАНБЕ, 20.08.2025. /АМИТ «Ховар»/. Бо мақсади таъмини фармони Президенти Ҷумҳурии Тоҷикистон «Дар бораи омӯзиши забонҳои хориҷӣ» барои омӯзиши забонҳои хориҷӣ, аз ҷумла забонҳои русӣ ва англисӣ дар Вазорати корҳои дохилии Ҷумҳурии Тоҷикистон тадбирҳои зарурӣ андешида мешаванд. Ҳамзамон дар тамоми воҳидҳои сохтории мақомот дарсҳои забони хориҷӣ бо ҷалби омӯзгорони ботаҷрибаи фанҳои забонҳои русӣ ва англисӣ гузаронида шуда, ҳайати шахсӣ барои баланд бардоштани сатҳи забондонӣ дар машғулият иштирок мекунад. Дар ин хусус АМИТ «Ховар» бо истинод ба Вазорати корҳои дохилӣ хабар медиҳад.
Барои назорату санҷиш ва натиҷагирии ҷараёни таълим, сатҳи забондонӣ ва муоширати кормандон бо забонҳои хориҷӣ Комиссияи санҷиши сатҳи забондонӣ таъсис дода шудааст. Баъди гузашти марҳилаи аввал ҳайати ин комиссия санҷиши методию амалиро дар ин самт шуруъ намуд.
Тавре иттилоъ дода шуд, 19 август ҳайати шахсии шуъбаву хадамоти дастгоҳи марказии Раёсати Вазорати корҳои дохилӣ дар вилояти Суғд дар ҳузури комиссия аз забонҳои русӣ ва англисӣ имтиҳон супорид. Ҳайати комиссия барои муайян кардани саводи забондонӣ тавассути саволномаи тестӣ ва муоширати мустақим аз фанҳои забони русӣ ва англисӣ санҷиш гузаронид. Кормандон донишҳои назариявӣ ва маҳорати забондонияшонро нишон доданд. То чӣ андоза муваффақ будани имтиҳонсупорандагонро хулосаи ҳайати комиссия муайян мекунад. Минбаъд низ санҷиши омӯзиши забонҳои хориҷӣ идома ёфта, марҳилаи навбатии машғулияти забономӯзӣ оғоз меёбад.
Фаъолияти Комиссияи санҷиши сатҳи забондонии кормандони мақомоти корҳои дохилӣ дар вилояти Суғд идома дорад. Сатҳи забондонии ҳайати шахсии дастгоҳи марказии Раёсати Вазорати корҳои дохилӣ дар вилояти Суғд бо тартиби муайяншуда пурра санҷида мешавад.
АКС: Вазорати корҳои дохилии Ҷумҳурии Тоҷикистон
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
Дар Бадахшон ҷаласаи сайёри Комиссияи байниидоравӣ оид ба муқовимат ба савдои одамон баргузор шуд
Дар вилояти Хатлон ҷаласаи Шурои амният баргузор шуд
Дар Душанбе иқдоми «Тасмаи бехатарӣ – муҳофизи шумо дар роҳ» гузаронида шуд
Имсол шаҳрвандони солҳои таваллуди 1999-2008 ба хизмати ҳарбӣ даъват карда мешаванд
