Татбиқи барномаҳои миллӣ ва Ҳадафҳои рушди устувор баррасӣ карда шуд
ДУШАНБЕ, 19.08.2025. /АМИТ «Ховар»/. 18 август вохӯрии Вазири рушди иқтисод ва савдо Завқӣ Завқизода бо Намояндаи доимии навтаъйини Барномаи рушди Созмони Милали Муттаҳид дар Ҷумҳурии Тоҷикистон Судипто Мукерҷӣ баргузор гардид. Зимни он ҷонибҳо вобаста ба таҳкими ҳамкорӣ барои сафарбаркунии захираҳои молиявӣ, ҳамоҳангсозии фаъолияти Шурои шарикони рушд ва кумаки донорҳо ва татбиқи барномаҳои миллию Ҳадафҳои рушди устувор ибрози омодагӣ намуданд. Дар ин хусус ба АМИТ «Ховар» аз Вазорати рушди иқтисод ва савдо хабар доданд.
Завқӣ Завқизода иброз намуд, ки таҳти сиёсати хирадмандонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва тадбирҳои андешидаи Ҳукумати ҷумҳурӣ дар ҳамкорӣ бо Барномаи рушди Созмони Милали Муттаҳид ва дигар шарикони рушди мамлакат устувории иқтисодӣ таъмин шуда, Ҷумҳурии Тоҷикистон дар ноил гардидан ба ҳадафу афзалияти стратегӣ ва Ҳадафҳои рушди устувор ба дастовардҳои назарраси иқтисодию иҷтимоӣ ноил гардид. Аз ҷумла, новобаста ба таъсири омилҳои берунӣ давоми чор соли охир суръати рушди иқтисодии мамлакат дар сатҳи 8,5 фоиз таъмин гардид.
Барномаи рушди Созмони Милали Муттаҳид шарики боэътимоди Тоҷикистон дар чунин самтҳо, ба монанди тақвияти иқтидори зеҳнӣ, таҳкими раванди банақшагирии стратегӣ ва низоми миллӣ оид ба мониторинг ва арзёбӣ, дастгирии равандҳои таҳияи Шарҳи ихтиёрии миллӣ (VNR), Шарҳи ихтиёрии маҳаллӣ (VLR) ва таҳияи лоиҳаи «Барномаи миёнамуҳлати рушди ҷумҳурӣ барои солҳои 2026-2030» ба ҳисоб меравад.
Ҷонибҳо ҳамкории дутарафаро дар самтҳои мусоидат ба амалигардонии ҳадафу афзалияти «Стратегияи миллии рушди Ҷумҳурии Тоҷикистон барои давраи то соли 2030», барномаҳои рушди иҷтимоию иқтисодии сатҳи маҳал ва амалисозии Ҳадафҳои рушди устувор муҳим арзёбӣ намуданд.
Таъкдид гардид, ки Барномаи рушди Созмони Милали Муттаҳид дар айни замон дар марҳилаи таҳияи Барномаи кишварӣ қарор дорад. Он бояд пурра бо ҳадафу афзалияти миллӣ, бахусус «Барномаи миёнамуҳлати рушд барои солҳои 2026-2030» ҳамоҳанг карда шавад.
АКС: Вазорати рушди иқтисод ва савдои Ҷумҳурии Тоҷикистон
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
Роҳи мошингарди «Айнӣ – Кӯҳистони Мастчоҳ» навсозӣ мешавад
Лоиҳаи Барномаи нави саноатикунонии босуръати Тоҷикистон барои солҳои 2026-2030 таҳия мегардад
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
