Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
ДУШАНБЕ, 27.08.2025 /АМИТ «Ховар»/. Дар шаҳри Толятии Федератсияи Русия ҷамъияти тоҷикон ба таври густурда фаъолият намуда, ҳамчун неруи созандаю пешбаранда барои муттаҳид сохтани ҳамватанони бурунмарзӣ ва тақвияти робитаҳои фарҳангию маънавӣ хизмат менамояд, иттилоъ медиҳад АМИТ «Ховар».
Бояд гуфт, ки тоҷикони муқими шаҳри Толятии Федератсияи Русия бо арҷгузорӣ ва эҳтиром ба анъанаву арзишҳои миллӣ дар раванди корҳои ободонию бунёдкорӣ, ки дар ҷумҳурӣ ба ифтихори таҷлили сазовори ҷашни 35-солагии Истиқлоли давлатии Ҷумҳурии Тоҷикистон ба ҳукми анъана даромадааст, фаъолона иштирок намуда, бо сарҷамъӣ ва муттаҳидӣ ба зиндагии рӯзмарраи худ дар кишвари иқомат таҳким мебахшанд. Хусусан тоҷикони муқими шаҳри Толяти ҷашнҳои миллию давлатӣ, аз ҷумла Ҷашни байналмилалии Наврӯз ва Истиқлолияти давлатии Ҷумҳурии Тоҷикистонро бо руҳияи баланди ватандӯстӣ ва ифтихор аз имрӯз ва фардои рушду пешрафти Тоҷикистон бо баргузории ҳамоишу чорабиниҳои гуногуни фарҳангӣ истиқбол мегиранд.
Бо назардошти раванди ҷаҳонишавӣ тоҷикони шаҳри Толяти барои ҳифзи арзишҳои миллии тоҷикон –забону фарҳанги миллӣ ва дигар суннатҳои аҷдодӣ сайъю талош намуда, кӯшиш доранд ҳувияти миллии худро нигоҳ доранд. Бо баргузории вохӯриҳо ва барномаҳои гуногуни фарҳангӣ масъулони ҷамъияти тоҷикони муқими шаҳри Толяти ба масоили муҳити фикрӣ, маънавӣ ва фарҳангии ҳамдиёрони бурунмарзӣ таваҷҷуҳи махсус зоҳир менамоянд.
Масъулони ҷамъияти тоҷикони шаҳри Толяти мегӯянд, ки «дар раванди ҷаҳонишавӣ ва бархӯрди фарҳангу тамаддунҳо барои ҳар фарди ҷомеа ифтихори миллӣ ва ҳисси худшиносию худогоҳӣ ҷойгоҳи хосса дорад. Азбар намудани донишҳои муосир, омӯзиш ва ҳифзи таърих, фарҳанг ва арзишҳои миллӣ яке аз омилҳои асосии ташаккули ҳувияти миллӣ ва ифтихор аз Ватани аҷдодӣ мебошад».
Тоҷикони муқими шаҳри Толяти бо ифтихори баланд аз дастовардҳои Тоҷикистони соҳибистиқлол ёдовар шуда, бар ин назар ҳастанд, ки Тоҷикистон барои ҳар тоҷику тоҷикистонӣ сарзамини муқаддас аст. Ватани мо дар арсаи байналмилалӣ беш аз пеш мавқеи шоиста касб намуда, дар соҳаҳои гуногун ба пешрафту комёбиҳо ноил мегардад.
Руҳияи ватандӯстӣ на танҳо ба таҳкими робитаҳои байни тоҷикон, балки ба муаррифии шоистаи миллат ва фарҳанги тоҷик дар арсаи байналмилалӣ, хусусан дар қаламрави Русия мусоидат менамояд.
АКС: АМИТ «Ховар»
Дар шаҳри Омск Форуми 5-уми сарварони ҷавони Русия ва давлатҳои Осиёи Марказӣ оғоз ёфт
Масъалаи ба такмили ихтисос фаро гирифтани табибони тоҷик дар Эрон баррасӣ гардид
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
