Вазирони энергетика ва хоҷагиҳои оби Тоҷикистон, Узбекистон ва Қазоқистон бо фаъолияти пойгоҳҳои обкашии мамлакат шинос шуданд
ДУШАНБЕ, 04.08.2025 /АМИТ «Ховар»/. Вазири энергетика ва захираҳои оби Ҷумҳурии Тоҷикистон Далер Ҷумъа ҳамроҳ бо вазири хоҷагии оби Ҷумҳурии Узбекистон Шавкат Ҳамроев ва вазири захираҳои об ва обёрии Ҷумҳурии Қазоқистон Нуржан Нуржигитов бо фаъолияти пойгоҳҳои обкашии «Сомғар-1», «Хоҷабақирғон-1»-и ноҳияи Бобоҷон Ғафуров ва «Марҳам»-и шаҳри Конибодом шинос шуданд, хабар медиҳад АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон.
Зимни шиносоӣ иттилоъ дода шуд, ки пойгоҳҳои мазкур солҳои 50-ум ва 70-уми асри гузашта ба истифода дода шуда, ҳамчун иншооти муҳими обрасонӣ барои обёрии ҳазорҳо гектар заминҳои кишоварзӣ хизмат менамоянд. Бо вуҷуди аҳамияти бузурги пойгоҳҳо ин дастгоҳҳо дар натиҷаи истифодаи дарозмуддат фарсуда гардида, ниёз ба таҷдид доранд.
Дар баробари ин дар ин пойгоҳҳо истеъмоли неруи барқ аз меъёр зиёд мебошад.
Мақсади шиносоии муштарак баррасии роҳҳои таҳкими ҳамкорӣ дар самти беҳсозии зерсохторҳои обкашӣ, ҷалби сармоягузорӣ ва мубодилаи таҷриба барои истифодаи самараноки захираҳои об дар минтақа арзёбӣ гардид.
АКС: Вазорати энергетика ва захираҳои оби Ҷумҳурии Тоҷикистон
Файзиддин Қаҳҳорзода дар Риёз дар ҷаласа доир ба мутобиқшавӣ ба тағйирёбии иқлимӣ ва устуворӣ иштирок намуд
Ҷаласаи навбатии Комиссияи амнияти химиявии Ҷумҳурии Тоҷикистон доир шуд
Дар ноҳияи Ёвон кишти картошка вусъат меёбад
Дар Душанбе ҷаласаи якуми Шурои миллии об баргузор гардид
Вазоратҳои молияи Тоҷикистон ва Подшоҳии Арабистони Саудӣ ҳамкориро рушд медиҳанд
Доир ба тақвияти рақамикунонии вазифаҳои давлатии Ҷумҳурии Тоҷикистон лоиҳаи грантӣ ба имзо расид
Фонди Саудии Рушд барои маблағгузории лоиҳаҳои афзалиятнок дар Тоҷикистон изҳори омодагӣ кард
Дар Риёз маблағгузории татбиқи лоиҳаҳои афзалиятноки Тоҷикистон баррасӣ гардид
Масъалаҳои татбиқи лоиҳаҳои энергетикӣ дар Тоҷикистон бо ширкати «Acwa Power» дар Арабистони Саудӣ баррасӣ гардид
Вазири молияи Тоҷикистон дар конференсияи молиявии рушд дар шаҳри Риёз иштирок намуд
Тақвияти робитаҳои тиҷоратию иқтисодии Тоҷикистон ва Эрон баррасӣ шуд
«Захираҳои табиии Тоҷикистон дар соҳаи истихроҷи маъдан барои садсолаҳо кофӣ мебошанд», — бардошт аз форуми байналмилалӣ
