Ҷаласаи навбатии вазирони иқтисод ва савдои давлатҳои аъзои СҲШ дар Душанбе баргузор мегардад
ДУШАНБЕ, 12.09.2025. /АМИТ «Ховар»/. Ҷаласаи 24-уми вазирони иқтисод ва савдои давлатҳои аъзои Созмони ҳамкории Шанхай дар шаҳри Владивостоки Федератсияи Русия баргузор гардид, ки дар он Вазири рушди иқтисод ва савдои Ҷумҳурии Тоҷикистон Завқӣ Завқизода аз тариқи видеоконфронс иштирок ва суханронӣ намуд. Дар ин хусус ба АМИТ «Ховар» аз Вазорати рушди иқтисод ва савдо хабар доданд.
Завқӣ Завқизода иброз намуд, ки бо шарофати сиёсати хирадмандона ва дурбинонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва талошҳои роҳбарони кишварҳои аъзои Созмони ҳамкории Шанхай имрӯз заминаи мустаҳками ҳамкорӣ фароҳам оварда шудааст.
Инчунин аҳамияти минбарҳои Созмони ҳамкории Шанхай барои тавсеаи ҳамкорӣ дар соҳаҳои иқтисоду тиҷорат, саноат, энергетика, нақлиёт ва рақамикунонӣ таъкид гардид. Гуфта шуд, ки зиёда аз 70 фоизи гардиши савдои хориҷии Тоҷикистон ба кишварҳои аъзои Созмони ҳамкории Шанхай рост меояд.
Завқӣ Завқизода фаъолтар намудани раванди татбиқи Нақшаи чорабиниҳо оид ба амалигардондани «Стратегияи рушди иқтисоди Созмони ҳамкории Шанхай то соли 2030»-ро, ки бо пешниҳоди Ҷумҳурии Тоҷикистон таҳия ва қабул карда шудааст, таъкид намуд. Ҳамзамон пешниҳод гардид, ки ба рушди иқтисоди рақамӣ, савдои электронӣ, технологияҳои иттилоотию коммуникатсионӣ, зеҳни сунъӣ ва кооператсияи саноатӣ таваҷҷуҳи бештар дода шавад. Пешниҳодҳо аз ҷониби иштирокчиёни ҷаласа бо хушнудӣ пазируфта шуданд.
Иброз гардид, ки мувофиқи тартиб, ҷаласаи минбаъдаи вазирони иқтисод ва савдои давлатҳои аъзои Созмони ҳамкории Шанхай соли 2026 дар шаҳри Душанбе баргузор хоҳад шуд. Дар бораи сана ва ҷузъиёти ташкили он тавассути роҳҳои дипломатӣ иттилоъ пешниҳод мегардад.
АКС: Вазорати рушди иқтисод ва савдои Ҷумҳурии Тоҷикистон
Дар шаҳри Ваҳдат «Фестивали намоиш ва фурӯши чорвои зотӣ» баргузор гардид
Ҳамкорӣ дар самти ҳисоботдиҳӣ оид ба пардохтҳо ва даромадҳо дар соҳаҳои истихроҷ баррасӣ гардид
Масъалаи беҳтар кардани сифати алоқаи мобилӣ, интернет ва хизматрасонии операторҳои мобилӣ баррасӣ гардид
Оид ба нақши зеҳни сунъӣ дар истифодаи технологияи иттилоотӣ ва рақамӣ конференсия доир шуд
Дар Хадамоти гумрук бахшида ба Рӯзи Парчами давлатии Тоҷикистон маҷлиси тантанавӣ баргузор шуд
Ҳаҷми умумии истеҳсоли маҳсулоти кишоварзӣ дар Кӯлоб беш аз 26 миллион сомонӣ зиёд гардидааст
Дар ноҳияи Ҷаббор Расулов нақшаи истеҳсоли пахта 100 фоиз иҷро гардид
БОҒҲОИ ИНТЕНСИВӢ. Дар Тоҷикистон аз майдони кам метавон ҳосили баланди босифат ба даст овард
Сарвазири Тоҷикистон Қоҳир Расулзода дар ноҳияҳои Абдураҳмони Ҷомӣ ва Дӯстӣ бо корҳои ободонию созандагӣ ва саривақт ҷамъоварӣ намудани ҳосили пахта шинос шуд
Дар ноҳияи Ёвон парвариши лимӯ ва апелсин бо риояи талаботи зарурии агротехникӣ ба роҳ монда шудааст
Раёсати дар Шурои авиатсия ва истифодаи фазои ҳавоии ИДМ ба Тоҷикистон гузашт
Тоҷикистон 9 терминал ва маркази логистикиро ба рӯйхати «бандарҳои хушк»-и ЭСКАТО пешниҳод намуд
