Ангури Тоҷикистон дар вилояти Пензаи Русия талабгорони зиёд пайдо намуд
ДУШАНБЕ, 23.09.2025. /АМИТ «Ховар»/. Имрӯзҳо Ҷумҳурии Тоҷикистон ба кишварҳои гуногуни олам, аз ҷумла Федератсияи Русия маҳсулоти кишоварзӣ содирот менамояд. Дар ин замина содироти ангур аз боғоти Тоҷикистон ба вилояти Пензаи Федератсияи Русия амалӣ гардид. Дар ин хусус мухбири махсуси АМИТ «Ховар» хабар медиҳад.
Ҳаҷми содироти ангур дар ин мавсим афзоиш ёфта, танҳо дар моҳи сентябр даҳҳо тонна ангури баландсифати истеҳсоли Тоҷикистон ба Русия содирот карда шудааст. Дар қатори дигар шаҳрҳои Федератсияи Русия дар шаҳри Пенза маҳсулоти истеҳсоли Тоҷикистон, хосса меваҷоти он талабгорони зиёд дорад.
Ангури содиротӣ бо риояи талаботи стандартҳои байналмилалии тозагӣ ва сифат, дар банду басти махсус, тавассути нақлиёти яхдондор интиқол дода мешавад. Ин иқдом бо мақсади таъмини бозорҳои хориҷӣ бо маҳсулоти тару тоза ва ҳамзамон дастгирии боғдорон амалӣ гардидааст.
Ҳамкории мутақобили судманд дар самти хариду фурӯши маҳсулоти кишоварзӣ сол то сол густариш меёбад. Ҷонибҳо изҳори омодагӣ намуданд, ки ҳаҷми содироти ангур ва дигар намудҳои меваҷоти Тоҷикистон ба бозорҳои Русияро дар оянда низ афзоиш диҳанд.
Ба иттилои коршиносон, иқлими мусоиди Тоҷикистон ва таҷрибаи бойи боғпарварони маҳаллӣ барои парвариши ангури хушсифат шароити хуб фароҳам овардааст, ки он дар бозорҳои байналмилалӣ рақобатпазир мебошад.
АКС: АМИТ «Ховар»
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
