Байни Тоҷикистон ва Чин Созишномаи нави алоқаи байналмилалии автомобилӣ ба имзо расид
ДУШАНБЕ, 04.09.2025 /АМИТ «Ховар»/. Дар Пекин байни Ҳукумати Ҷумҳурии Тоҷикистон ва Ҳукумати Ҷумҳурии Мардумии Чин Созишнома дар бораи алоқаи байналмилалии автомобилӣ ба имзо расид, иттилоъ медиҳад АМИТ «Ховар» бо истинод ба Вазорати нақлиёти Ҷумҳурии Тоҷикистон.
Созишнома ба васеъ намудани ҷуғрофияи ҳамлу нақли байналмилалии автомобилии Ҷумҳурии Тоҷикистон равона гардида, ба ин васила дар баланд бардоштани иқтидори боркашонии байналмилалии автомобилию транзитӣ ва расидан ба ҳадафи стратегии пешгузоштаи Ҳукумати Ҷумҳурии Тоҷикистон- баромадан аз бунбасти коммуникатсионӣ ва ба давлати транзитӣ табдил додани мамлакат саҳми арзанда мегузорад.
Истифода аз имконияти мазкур ба ноил шудан ба ҳадафҳои стратегии Тоҷикистон мусоидат намуда, аз ҷумла барои татбиқи долони байналмилалии Чин – Тоҷикистон (тавасути долони Вахон) – Покистон дастрасӣ ба бандарҳои Қарочӣ ва Гвадар, Чин – Тоҷикистон – Шимоли Афғонистон ва Чин – Тоҷикистон – Афғонистон – Эрон ва дастрасӣ ба бандарҳои Чобаҳор ва Бандарабос заминаи густурда фароҳам меорад.
Ёдовар мешавем, ки ҳамкории дуҷониба дар соҳаи нақлиёт ва ҳамлу нақли байналмилалӣ байни Тоҷикистон ва Чин қабл аз ин дар асоси Созишномаи байниҳукуматӣ оид ба ҳамлу нақли байналмилалии автомобилӣ аз 28 августи соли 2008 амалӣ мегардид. Тибқи он интиқоли молу маҳсулот аз тариқи гузаргоҳи марзи давлатии Тоҷикистон ва Чин – «Кулма-Қаросу» амалӣ мегардид.
Бо имзои Созишномаи нави ҳамкорӣ байни Тоҷикистон ва Чин барои интиқолдиҳандагони ватанӣ дар кашонидани бор ба кишварҳои сеюм заминаи мусоид фароҳам мегардад.
Марзия САИДЗОДА,
АМИТ «Ховар»
АКС: АМИТ «Ховар»
Имсол дар хоҷагиҳои кишоварзии шаҳри Панҷакент дар 2,5 ҳазор гектар картошка кишт карда мешавад
ПАЙВАНДИ НИҲОЛ. Он ба афзоиш ёфтани ҳосили дарахтон мусоидат мекунад
ИСТИФОДАИ САМАРАНОКИ ЗАМИН. Дар ноҳияи Кӯшониён бештар зироати барвақтӣ кишт гардидааст
Дар водиҳои Тоҷикистон кишти баҳории картошка аз нимаи дуюми моҳи феврал оғоз мегардад
Дар Тоҷикистон беш аз 29 ҳазор тонна равғани растанӣ истеҳсол шудааст
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
