Дар Душанбе ҷаласаи 107-уми Шурои иқтисодии ИДМ баргузор гардид

Сентябрь 5, 2025 14:07

ДУШАНБЕ, 05.09.2025 /АМИТ «Ховар»/. Имрӯз дар пойтахти Тоҷикистон –шаҳри Душанбе ҷаласаи 107-уми Шурои иқтисодии Иттиҳоди Давлатҳои Мустақил таҳти роҳбарии муовини якуми Сарвазири Ҷумҳурии Тоҷикистон Ҳоким Холиқзода баргузор гардид.

Дар ҷаласа роҳбарони ҳайатҳо аз Тоҷикистон, Озарбойҷон, Қирғизистон, Узбекистон, Беларус ва котиби генералии Иттиҳоди Давлатҳои Мустақил, Ҷумҳурии иштирок намуданд.

Дар ҷаласаи Шурои иқтисодӣ 27 масъала баррасӣ карда шуд, ки 17-тои он ба муҳокимаи Шурои сарони ҳукуматҳои Иттиҳоди Давлатҳои Мустақил гузошта мешавад.

Зимни ҷаласа ба масъалаҳои ҳамкории тиҷоратӣ-иқтисодӣ, саноатӣ, сармоягузорӣ, трансформатсияи рақамии маҷмааи нақлиётӣ, инчунин рушди робитаҳои башардӯстона ва ташаббусҳои муштараки экологӣ таваҷҷуҳи махсус зоҳир карда шуд. Ҷумҳурии Тоҷикистон барои рушди устувори иқтисодӣ ва суботи мамлакат пайваста ҷонибдори рафъи монеаҳо дар роҳи тиҷорати мутақобил, ҷалби сармоя ва густариши лоиҳаҳои муштарак дар бахшҳои муҳим мебошад.

Раисии Тоҷикистон дар Иттиҳоди Давлатҳои Мустақил дар соли 2025 дар асоси Консепсия ва нақшаи чорабиниҳои тасвибшуда амалӣ мешавад, ки беш аз 100 бандро дар бар мегирад. Татбиқи онҳо ба таҳкими ҳамгироӣ, рушди иқтисоди «сабз», дастгирии инноватсия ва тадбирҳои муштарак оид ба ҳифзи муҳити зист нигаронида шудааст. Татбиқи ин бандҳо ба таҳкими ҳамгироӣ, рушди иқтисоди «сабз», дастгирии инноватсия ва тадбирҳои муштарак оид ба ҳифзи муҳити зист равона шудааст.

Қарорҳои дар нишаст қабулшуда ба таҳкими минбаъдаи ҳамкорӣ дар доираи Иттиҳод, таҳкими мавқеи Иттиҳоди Давлатҳои Мустақил дар иқтисоди ҷаҳонӣ ва рушди робитаҳои бародарона байни давлатҳои иштирокчӣ мусоидат менамоянд.

Дар моҳҳои январ-июли соли 2025 гардиши молии Тоҷикистон бо кишварҳои Иттиҳоди Давлатҳои Мустақил аз сатҳи соли 2024 боло рафта, динамикаи афзоишро нигоҳ дошт. Ҳамкории сармоягузорӣ низ устувор гардид, ки он ҳавасмандии ҷонибҳоро дар таҳияи лоиҳаҳои стратегӣ тасдиқ менамояд.

Ҷумҳурии Тоҷикистон дар соли раёсати худ дар Иттиҳоди Давлатҳои Мустақил 9-10 октябр дар Душанбе ҷаласаи Шурои сарони давлатҳоро баргузор мекунад, ки он рӯйдоди калидии раёсати ҷумҳурӣ ба ҳисоб меравад. Интизор меравад, ки самтҳои афзалиятноки ҳамкории бисёрҷониба, аз ҷумла таъмиқи равобити тиҷоративу иқтисодӣ, рушди инфрасохтори нақлиётӣ ва энергетикӣ, истифодаи муштараки захираҳои обу энергетикӣ, амнияти озуқаворӣ ва экологӣ дар сатҳи олӣ мавриди баррасӣ қарор гиранд. Рӯзнома ҳамчунин таҳкими робитаҳои фарҳангӣ-гуманитарӣ, тавсеаи ҳамкорӣ дар бахши трансформатсияи рақамӣ ва иқтисоди «сабз»-ро дар назар дорад.

 

АКС: АМИТ «Ховар»

Сентябрь 5, 2025 14:07

Хабарҳои дигари ин бахш

Намояндаи Тоҷикистон дар Форуми нуҳуми зерминтақавӣ оид ба Ҳадафҳои рушди устувор иштирок намуд
Дурнамои тақвияти ҳамкории Тоҷикистон ва Арабистони Саудӣ дар соҳаи авиатсия баррасӣ гардид
Байни Тоҷикистон ва Чин Ёддошти тафоҳум оид ба ҳамкории оморӣ ба имзо расид
Ҷаласаи 18-уми Комиссияи байниҳукуматии Тоҷикистону Беларус оид ба ҳамкории тиҷоратию иқдисодӣ баргузор мешавад
Тоҷикистон ва Чин ҳамкориро дар соҳаи рушди иқтисоди «сабз» ва камкарбон густариш медиҳанд
Имрӯз дар Душанбе ҷаласаи 107-уми Шурои иқтисодии Иттиҳоди Давлатҳои Мустақил доир мегардад
Татбиқи лоиҳаҳои давлатии сармоягузорӣ дар соҳаҳои иқтисодиёти Тоҷикистон бо Барномаи рушди СММ баррасӣ гардид
Байни Тоҷикистон ва Чин Созишномаи нави алоқаи байналмилалии автомобилӣ ба имзо расид
Дар Душанбе ҷаласаи 107-уми Шурои иқтисодии Иттиҳоди Давлатҳои Мустақил доир мегардад
Вазири ЭКСПО-2025 Павилиони Ҷумҳурии Тоҷикистонро дар шаҳри Осакаи Ҷопон тамошо намуд
Байни Тоҷикистон ва Амороти Муттаҳидаи Араб Созишномаи стратегӣ оид ба ҳамкорӣ дар соҳаи зеҳни сунъӣ ба имзо расид
Дар Душанбе омодагӣ ба Конфронси навбатии Осиёи Марказӣ оид ба тағйирёбии иқлим баррасӣ шуд