Дар Хоруғ корхонаи истеҳсоли макарон бунёд карда мешавад
ДУШАНБЕ, 19.09.2025. /АМИТ «Ховар»/. Дар шаҳри Хоруғ корхонаи истеҳсоли макарон, 13 нуқтаи партовгоҳи муосир ва девори муҳофизатӣ бо масофаи 113 метр бунёд карда мешаванд. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Хоруғ хабар доданд.
Зимни муаррифии тарҳи лоиҳаҳои нави сохтмонӣ иттилоъ дода шуд, ки корхонаи истеҳсоли макарон имконият медиҳад дар оянда дар шаҳр маҳсулоти ғизоӣ бо сифати баланд истеҳсол гардад. Амалӣ шудани ин лоиҳа боиси фароҳам гардидани ҷойи нави кор ва таъмин намудани бозори маҳаллӣ бо маҳсулоти ватанӣ мегардад.
Сохтмони 13 нуқтаи партовгоҳи муосир дар беҳсозии муҳити зист ва баланд бардоштани сатҳи санитарии шаҳр нақши муҳим мебозад.
Бунёд гардидани девори муҳофизатӣ бо масофаи 113 метр дар маҳаллаи Гулмамад ба ҳифзи аҳолӣ аз хатарҳои эҳтимолии офатҳои табиӣ ва таъмин намудани амнияти иҷтимоию иқтисодӣ мусоидат мекунад.
Дар Муассисаи таҳсилоти миёнаи умумии №8-и шаҳри Хоруғ бобати муҳайё намудани шароити беҳтари зисту таҳсил барои хонандагон, бахусус кӯдакону наврасоне, ки аз деҳоти дурдаст омадаанд, хобгоҳ сохта мешавад.
Татбиқи ин гуна лоиҳаҳо на танҳо симои шаҳрро дигаргун менамояд, балки ба рушди иқтисодӣ, фароҳам овардани ҷойи нави кор ва беҳсозии сатҳи зиндагии аҳолӣ мусоидат мекунад.
АКС: Мақомоти иҷроияи ҳокимияти давлатии шаҳри Хоруғ
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
Татбиқи лоиҳаҳои сармоягузорӣ дар самти энергияи барқароршаванда байни Тоҷикистон ва Ҳиндустон баррасӣ шуд
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
