Дар Тоҷикистон «Парки табиии Зарафшон» таъсис дода мешавад
ДУШАНБЕ, 19.09.2025 /АМИТ «Ховар»/. Барои ҳифзу нигоҳдории экосистемаҳои нодири табиии мавзеъҳои водии Зарафшон, бахусус қаторкӯҳҳои Фон, кӯлҳои камназири Ҳафткӯл, Аловуддин ва монанди инҳо 17 сентябр Президенти Ҷумҳурии Тоҷикистон муҳтарам Эмомалӣ Раҳмон зимни мулоқот бо кормандони Кумитаи ҳифзи муҳити зисти Тоҷикистон ба ин кумита ва дигар мақомоти марбутаи давлатӣ супориш доданд, ки вобаста ба эълон намудани ин минтақа ҳамчун «Парки табиии Зарафшон» пешниҳоду хулосаҳои худро дар шашмоҳаи якуми соли 2026 ба Ҳукумати мамлакат пешниҳод намоянд.
Гуфта шуд, ки водии Зарафшон, бахусус қаторкӯҳҳои Фон, кӯлҳои камназири Ҳафткӯл, Аловуддин ва монанди инҳо макони истироҳату тамошои сайёҳон мебошанд.
Бахши сайёҳии экологӣ яке аз самтҳои афзалиятноки иқтисод ба шумор рафта, имкон медиҳад, ки дар минтақаҳои дурдаст инфрасохтори маҳаллӣ, аз ҷумла роҳҳо, маҳалҳои зист ва хизматрасониҳои иҷтимоӣ рушд ёбанд. Рушди сайёҳии экологӣ ҳамчунин метавонад ба таъсиси ҷойи нави кор, ҳифзи табиат, мероси фарҳангӣ ва боз ҳам беҳтар гардидани обрӯ ва симои ҷумҳурӣ дар арсаи байналмилалӣ мусоидат намояд.
Дар ин замина таъкид карда шуд, ки кумитаҳои ҳифзи муҳити зист, рушди сайёҳӣ ва мақомоти иҷроияи маҳаллии ҳокимияти давлатиро зарур аст, ки барои таҳия ва тасдиқи харитаҳои роҳ ва хатсайрҳои нави сайёҳии экологӣ дар ҳудудҳои табиии махсус муҳофизатшаванда ва минтақаҳои дорои аҳамияти экологӣ тадбирҳои зарурӣ андешанд.
АКС: АМИТ «Ховар»
Дар вилояти Суғд масъалаи насби панелҳои офтобӣ баррасӣ гардид
Сарвазири Ҷумҳурии Тоҷикистон бо Вазири сармоягузории Подшоҳии Арабистони Саудӣ мулоқот намуд
Ҷаласаи Комиссияи муштараки байниҳукуматии Тоҷикистон ва Арабистони Саудӣ баргузор гардид
Дар Рим ҳамкории Тоҷикистон ва Созмони озуқаворӣ ва кишоварзии СММ баррасӣ шуд
Дар доираи «Душанбе Инвест-2025» мубоҳисаи канории «Маблағгузории иқлим ва бозорҳои карбонӣ» баргузор гардид
Баҳодур Шерализода ва Татяна Молчан Барномаи давлатии рушди маърифат ва фарҳанги экологиро баррасӣ намуданд
Имконоти сармоягузории Тоҷикистон дар соҳаи коркард ва истихроҷи маъданҳои кӯҳӣ дар доираи ҷаласаи канорӣ баррасӣ шуданд
Абдулло Орифов: «Душанбе Инвест-2025» ба рушди минбаъдаи иқтисоди Тоҷикистон ва тамоми минтақа такони ҷиддӣ мебахшад
Эмомалӣ Раҳмон: «Тоҷикистон ба маркази калидии нақлиётӣ ва энергетикӣ дар Осиёи Марказӣ табдил меёбад»
Ҳамкории Тоҷикистон ва Хазинаи байналмилалии асъор баррасӣ гардид
ИНФРАСОХТОРИ «САБЗ» ВА ЭНЕРГИЯИ «ТОЗА». Дар доираи Форуми байналмилалии сармоягузории «Душанбе Инвест-2025» чорабинии канорӣ доир шуд
Пагоҳ ҷаласаи Комиссияи байниҳукуматии Ҷумҳурии Тоҷикистон ва Давлати Қатар оид ба ҳамкории иқтисодию тиҷоратӣ баргузор мегардад
