Дар вилояти Суғд соҳаи саноати кӯҳӣ рушд меёбад
ДУШАНБЕ, 12.09.2025. /АМИТ «Ховар»/. Масъалаи рушди соҳаи саноати кӯҳӣ зимни вохӯрии Раиси вилояти Суғд бо роҳбарияти корпоратсияи «ТВЕА Душанбе саноати кӯҳӣ» баррасӣ гардид. Дар ин хусус ба АМИТ «Ховар» аз Мақомоти иҷроияи ҳокимияти давлатии вилояти Суғд хабар доданд.
Зимни вохӯрӣ иброз шуд, ки Ҳукумати Ҷумҳурии Тоҷикистон ба рушди соҳаи саноат, бахусус саноати кӯҳӣ, афзоиши ҳаҷми истеҳсолот, беҳтарсозии шароити кору зиндагии кормандон ва саҳмгузорӣ дар ободонию созандагӣ таваҷҷуҳи махсус зоҳир менамояд.
Изҳор гардид, ки дар партави дастуру супоришҳои Сарвари давлат дар вилояти Суғд корхонаҳои нави саноатӣ пайваста мавриди истифода қарор мегиранд. Аз ҷумла, моҳи июли соли равон марҳилаи дуюми корхонаи Ҷаъияти дорои масъулияти маҳдуди «ТВЕА Душанбе саноати кӯҳӣ» ба фаъолият оғоз намуд.
Корхона ба истихроҷ ва коркарди маъданҳои кӯҳӣ, аз ҷумла коркарди консентрати тилло машғул мебошад. Он дар 6 ҳазору 500 метри мураббаъ бунёд гардида, иқтидори истеҳсол ва коркарди консентрати тилло дар як шабонарӯз 4 ҳазору 500 тоннаро ташкил медиҳад. Дар коргоҳ ҳуҷраи махсуси назоратӣ фаъолият намуда, раванди истеҳсолот ба таври автоматикӣ идора мешавад.
Дар коргоҳ 300 сокини маҳаллӣ соҳиби ҷойи кори доимӣ гардидааст, ки ин дар болоравии сатҳи иҷтимоию иқтисодии минтақа нақши назаррас мебозад.
Ҷонибҳо ҳамчунин дурнамои ҳамкорӣ ва нақшаҳои минбаъдаи рушду тавсеаи фаъолияти корхонаро мавриди баррасӣ қарор доданд.
АКС: Мақомоти иҷроияи ҳокимияти давлатии вилояти Суғд
Дар Бонки миллии Тоҷикистон масъалаи сифати аудити берунаи ташкилотҳои суғуртавӣ баррасӣ гардид
Дар Душанбе татбиқи лоиҳаҳои муҳими стратегӣ дар соҳаи нақлиёт байни Тоҷикистон ва Чин баррасӣ гардид
«Саноатсодиротбонк» барои дастгирии соҳибкорӣ ва иқтисоди «сабз» «Иқдоми нав дар Соли нав»-ро роҳандозӣ менамояд
«Саҳифаи интернетии мутамарказ барои муқоисаи нархҳо/пешниҳодҳо»-и хизматрасониҳои молиявӣ таҳия карда мешавад
Байни Тоҷикистону Ҷопон Барномаи ҳамкории тиҷоративу иқтисодӣ барои солҳои 2026-2028 қабул карда мешавад
Доир ба имконоти рушди устувор ва сайёҳии экологии Резервати биосферии «Ромит» конфронси илмӣ баргузор гардид
Иҷрои «Стратегияи миллии мутобиқшавӣ ба тағйирёбии иқлими Ҷумҳурии Тоҷикистон барои давраи то соли 2030» натиҷагирӣ гардид
Дар вилояти Суғд ба маблағи беш аз 836 миллион доллар сармоягузории ватанию хориҷӣ ҷалб гардидааст
Воридоти панелҳои офтобӣ ба Тоҷикистон аз пардохти андоз аз арзиши иловашуда озод карда мешавад
Ғолибони озмуни «Ҷоизаи Ҳукумати Ҷумҳурии Тоҷикистон дар соҳаи сайёҳӣ» қадрдонӣ шуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншооти соҳаи маориф ва як корхонаи саноатиро дар минтақаи саноатии шаҳри Левакант ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Ҷалолидини Балхӣ ба фаъолияти Корхонаи макарони «Руми Паста» оғоз бахшиданд
