Дар Ёвон маъракаи ҷамъоварии пахта идома дорад

ДУШАНБЕ, 11.09.2025 /АМИТ «Ховар»/. Роҳбарияти ноҳияи Ёвон дар майдони хоҷагиҳои пахтапарварии ҷамоати Норин бо ҷараёни ҷамъоварии пахтаи соли 2025 аз наздик шинос шуд. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Ёвон хабар доданд.
Зимни шиносоӣ ва дар суҳбат бо пахтачинҳо таъкид гардид, ки кишоварзон бояд бо масъулияти баланд ва ҳисси ватандӯстӣ ҳосили мавҷударо саривақт ва бе талаф ҷамъоварӣ намоянд, зеро рушди соҳаи кишоварзӣ, бахусус пахтапарварӣ, дар таҳкими иқтидори иқтисодии кишвар нақши муҳим дорад.
Ҳамзамон тазаккур дода шуд, ки бо дастгирӣ ва ғамхориҳои Ҳукумати Ҷумҳурии Тоҷикистон шароити зарурӣ барои фаъолият дар соҳаи кишоварзӣ муҳайё гардида, масъулияти ҳар як шахс дар рушди истеҳсолоти кишоварзӣ ва таъмини амнияти озуқавории мамлакат бузург мебошад.
АКС: Мақомоти иҷроияи ҳокимияти давлатии ноҳияи Ёвон