«ФАЙЗИ ИСТИҚЛОЛ». Дар Осорхонаи миллӣ намоиши ҷашнии асарҳои рассомони ҷавони тоҷик ифтитоҳ ёфт

Сентябрь 5, 2025 11:10

ДУШАНБЕ, 05.09.2025 /АМИТ «Ховар»/. Беш аз 20 осори санъати тасвирӣ ва амалӣ дар намоиши ҷашнии асарҳои рассомони ҷавони Тоҷикистон — «Файзи Истиқлол», ки ба ифтихори 34- солагии Истиқлоли давлатии Ҷумҳурии Тоҷикистон дар Осорхонаи миллии Тоҷикистон ифтитоҳ гардид, ба маърази тамошо гузошта шуд. Дар ин хусус АМИТ «Ховар» бо истинод ба Осорхонаи миллии Тоҷикистон иттилоъ медиҳад.

Дар намоиши «Файзи Истиқлол» аз фонди тиллоии Осорхонаи миллӣ 26 осори санъати тасвирӣ ва амалӣ, ба монанди мусаввараҳо, ҳунари хотамкорӣ, кандакорӣ, намунаи либосҳои миллии замонавӣ ва кундал пешниҳоди тамошобинон гардонида шуд. Ҳамаи ин маҳсули дасти ҳунармандони ҷавони давраи соҳибистиқлолии Тоҷикистон мебошад.

Офаридаҳои мусаввирони ҷавони тоҷик — «Варзоб», «Дарёи Бадахшон», «Духтарак ва натюрморт», «Шаҳри ман», «Шоми Душанбе», ҳамчунин офаридаҳои иштирокчиён ва ғолибони озмуни «Тоҷикистон-Ватани азизи ман»: «Шоми Душанбе», «Тоҷикистон», «Нақши миллӣ» ва ғайра, ки ба маърази тамошо гузошта шудаанд, шукуҳи фарҳанги Истиқлолияти давлатии Ҷумҳурии Тоҷикистонро ифода менамоянд.

Зимни ифтитоҳи намоиш Директори Осорхонаи миллӣ Зафаршо Иброҳимзода иброз намуд, ки истиқлолият неъмати бебаҳо, волотарин ва пурарзиштарин дастоварди давлату миллати тоҷик буда, шароити мусоид фароҳам овард, то рассомон бо истифода аз усулҳою ҷараёнҳои постмодернистӣ ва авангардӣ воситаҳои навро истифода намоянд. Муҳити озоду фазои даврони истиқлол имконият фароҳам овард, то рассомон бо сабку услуби хос муаррифи таъриху фарҳанг ва анъанаҳои тоҷикон бошанд.

Бояд гуфт, ки шинос намудани тамошобинон бо осори рассомон ва ҳунармандони ҷавони Тоҷикистон ва муаррифии шоистаи онҳо ба қишрҳои гуногуни ҷомеа аз ҳадафҳои асосии намоиши ҷашнии асарҳои рассомони ҷавони Тоҷикистон «Файзи Истиқлол» арзёбӣ мегардад.

Намоиши асарҳои рассомони ҷавони Тоҷикистон «Файзи Истиқлол» то 15 сентябр идома меёбад.

АКС: Осорхонаи миллии Тоҷикистон

Сентябрь 5, 2025 11:10

Хабарҳои дигари ин бахш

Иштирокдорони конфронси байналмилалӣ намоиши ҷашнии «Ҳофизи Шерозӣ ва ҳунари хушнависии тоҷик»-ро тамошо намуданд
Роҳи Ҳисор-шаҳраки Айнӣ пурра мумфарш гардида, мавриди истифода қарор гирифт
Даври ҷамъбастии Озмуни ҷумҳуриявии «Тоҷикистон — Ватани азизи ман» оғоз гардид
Пешвои миллат Эмомалӣ Раҳмон дар шаҳри Ваҳдат бо нашъунамои дарахтони хоҷагии ниҳолпарварӣ, намоиши маҳсулоти кишоварзӣ ва рафти кишти такрорӣ шинос шуданд
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат корхонаи «Роял Бебӣ Тоҷикистон»-ро ба таври фосилавӣ ифтитоҳ намуданд
Сарвари давлат Эмомалӣ Раҳмон дар шаҳри Ваҳдат ба фаъолияти ҶДММ «Зиннат Гач» оғоз бахшиданд
Пешвои миллат Эмомалӣ Раҳмон дар шаҳри Ваҳдат корхонаи истеҳсоли хишти Ҷамъияти дорои масъулияти маҳдуди «Талант»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат бинои шуъбаи Кумитаи давлатии амнияти миллиро ифтитоҳ намуданд
Сарвари давлат Эмомалӣ Раҳмон дар шаҳри Ваҳдат Муассисаи таҳсилоти миёнаи умумии №152-ро ифтитоҳ намуданд
Пешвои миллат Эмомалӣ Раҳмон дар шаҳри Ваҳдат бинои нави Беморхонаи кӯдаконаи зидди силро ба истифода доданд
Дар Сеул байни китобхонаҳои миллии Тоҷикистон ва Корея Ёддошти тафоҳум ба имзо расид
Директори Театри опера ва балети Тоҷикистон ба кишварҳои ИДМ ҳамкории эҷодӣ ва таълимӣ пешниҳод намуд