Хуршед Мирзо дар форуми БРИКС дар Чин омодагии Тоҷикистонро барои ҳамкории рақамӣ ва саноатӣ баён намуд
ДУШАНБЕ, 17.09.2025 /АМИТ «Ховар»/. Директори Агентии инноватсия ва технологияҳои рақамии назди Президенти Ҷумҳурии Тоҷикистон Хуршед Мирзо дар Форуми БРИКС оид ба шарикӣ дар самти «интиқоли саноати ҷадид» дар муҳокимаҳои сатҳи баланд оид ба густариши ҳамкории саноатӣ ва рақамӣ иштирок ва суханронӣ намуд, иттилоъ медиҳад АМИТ «Ховар» бо истинод ба Агентии инноватсия ва технологияҳои рақамии назди Президенти Ҷумҳурии Тоҷикистон.
Дар ҷараёни муколамаи сатҳи баланди саноатии Форуми PartNIR-2025 (Шарикӣ оид ба инқилоби нави саноатӣ) директори Агентӣ аҳамияти ҳамкории байналмилалӣ дар самти ташкили экосистемаҳои устувори рақамӣ, тезонидани равандҳои инноватсионӣ ва ҷалби сармоягузории устуворро ба Тоҷикистон таъкид кард.
Инчунин нақши пайвастагиҳои рақамии фаромарзӣ, технологияҳои нав ва ҳамкории бахши давлатӣ ва хусусиро дар рушду густариши фарогири саноатӣ муҳим арзёбӣ намуд.
Дар ҳошияи форум директори Агентӣ бо як зумра роҳбарони мақомоти баландпояи Ҷумҳурии Мардумии Чин, аз ҷумла бо Вазири саноат ва технологияҳои иттилоотии Ҷумҳурии Мардумии Чин Ли Лечен мулоқот намуда, масъалаҳои таҳкими ҳамкорӣ дар самти рақамисозии саноат, рушди иқтидор ва ташкили хизматрасониҳои давлатиро баррасӣ намуд. Ҳамзамон бо Губернатори вилояти Фуҷян Чжао Лун имконияти муштарак дар минтақаҳои технологияи баланд, инфрасохтори додаҳо ва саноати нимноқилҳо мавриди муҳокима қарор гирифт.
Роҳбарияти Агентӣ Ҳукумати вилояти Фуҷян ва доираҳои тиҷоратии онро даъват намуд, то дар дуюмин ПЛАС Форуми байналмилалии «Digital Tajikistan», ки моҳи октябри соли 2025 дар шаҳри Душанбе баргузор мегардад, иштирок намоянд. Ин форум платформаи муҳим барои тавсеаи ҳамкорӣ ва намоиши имконияти нави рушд арзёбӣ мешавад.
Иштироки ҳайати Ҷумҳурии Тоҷикистон дар Форуми БРИКС омодагии давлатро ба таҳкими ҳамкории байналмилалӣ, ҷалби технологияҳои пешрафта ва ташаккули мавқеи он ҳамчун маркази инноватсия ва пайвастагии рақамӣ дар Осиёи Марказӣ тасдиқ намуд.
АКС: Агентии инноватсия ва технологияҳои рақамии назди Президенти Ҷумҳурии Тоҷикистон
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
