Имсол кишоварзони Тоҷикистон 432 ҳазору 650 тонна пахта ҷамъоварӣ менамоянд
ДУШАНБЕ, 11.09.2025. /АМИТ «Ховар»/. Тибқи нақша, имсол кишоварзони мамлакат 432 ҳазору 650 тонна пахта ҷамъоварӣ менамоянд. Дар ин хусус ба АМИТ «Ховар» аз Вазорати кишоварзии Ҷумҳурии Тоҷикистон иттилоъ доданд.
Тибқи дурнамо, имсол бояд дар 186 ҳазору 883 гектар пунбадона кишт мешуд. Аммо кишоварзони мамлакат дар 174 ҳазору 882 гектар пунбадона кишт намуданд, ки нақша пурра иҷро нагардид.
Вазири кишоварзии Ҷумҳурии Тоҷикистон Қурбон Ҳакимзода 30 январи соли 2025 зимни нишасти матбуотӣ иброз дошт, ки “соли 2024 аз 175 ҳазор гектар кишти пунбадона кишоварзон 254 ҳазор тонна пахта ҷамъоварӣ намуданд. Ин нишондиҳанда нисбат ба солҳои гузашта кам мебошад. Омили кам гардидани ҳосил дар соли 2024 боронҳои пай дар пайи моҳҳои март ва нимаи май буданд, ки бинобар он кишти пунбадона тӯл кашид. Яъне дар сатҳи ҷумҳурӣ кишти пахта то 65 рӯз идома ёфт”.
Имрӯзҳо дар саҳро ҳосил фаровон буда, дар айни замон кишоварзон ба ҷамъоварии он машғул мебошанд.
Арзиши аслии пахта сол то сол дар бозори ҷаҳонӣ тамоюли болоравӣ дорад. Агар аз як гектар 30 сентнер гандум ва ё пахта рӯёнида, ҳарду маҳсулотро то зинаи охир коркард намоем, дараҷаи даромаднокии пахта нисбат ба гандум то 25 маротиба зиёд мешавад. Аз ҷумла, таркиби чигиташ беҳтарин ашёи хоми саноати хӯрокворию дорусозӣ, ғӯзапояаш муҳимтарин ашёи хоми саноатӣ (коғаз, картон, мебел) буда, боқимондааш ғизои чорво аст.
АКС: АМИТ «Ховар»
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
Татбиқи лоиҳаҳои сармоягузорӣ дар самти энергияи барқароршаванда байни Тоҷикистон ва Ҳиндустон баррасӣ шуд
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
