Кормандони Бонки миллии Тоҷикистон 34-солагии Истиқлоли давлатиро бо дастовардҳои назаррас ҷашн гирифтанд

Сентябрь 10, 2025 16:10

ДУШАНБЕ, 10.09.2025 /АМИТ «Ховар»/. Ҳоло вақти он расидааст, ки бо такя ба дигар дастовардҳои давраи Истиқлоли давлатӣ рушди босуботи низоми бонкии мамлакатро мақсади асосӣ ва ҳадафи олии фаъолияти минбаъда қарор диҳем. Чунин гуфта шуд дар маҷлиси тантанавӣ ба ифтихори 34-солагии Истиқлоли давлатии Ҷумҳурии Тоҷикистон дар Бонки миллии Тоҷикистон. Дар ин хусус АМИТ «Ховар» бо истинод ба Бонки миллии Тоҷикистон иттилоъ медиҳад.

Дар ҳамоиш муовини якуми Сарвазири Ҷумҳурии Тоҷикистон Ҳоким Холиқзода иброз намуд, ки Истиқлоли давлатӣ барои ҳар фарди меҳандӯст муқаддас ва далели худшиносии миллию ватандӯстдорӣ аст. Маҳз бо шарофати Истиқлоли давлатӣ Ҷумҳурии Тоҷикистон давлати озоду соҳибихтиёр гардида, забону фарҳанги тоҷикӣ ва арзишҳои миллӣ рушд ёфтанд. Боиси хушнудист, ки имрӯзҳо Тоҷикистон дар роҳи созандагиву бунёдкорӣ, рушди иқтисодиёт, соҳаҳои иҷтимоӣ ва маорифу тандурустӣ қадамҳои устувор мегузорад.

Раиси Бонки миллии Тоҷикистон Фирдавс Толибзода гуфт, ки дар таҳкими дастовардҳои Истиқлолияти давлатӣ саҳми Президенти Ҷумҳурии Тоҷикистон муҳтарам Эмомалӣ Раҳмон муҳим буда, таҳти роҳбарии Сарвари давлат асосҳои қонунии давлати соҳибистиқлоли Тоҷикистон таъмин гардида, самтҳои сиёсати иқтисодию иҷтимоии мамлакат муайян карда шуданд. Аз ҷумла, ташаккули низоми бонкдории муосири Тоҷикистон бо шарофати Истиқлоли давлатӣ муяссар гардида, дар рушду таҳкими низоми бонкии мамлакат тавсияву ҳидоятҳои Пешвои миллат нақши калидӣ доранд. Маҳз бо ташаббусу дастгирии Пешвои миллат дар Тоҷикистон ду маротиба: солҳои 1995 ва 2000 ислоҳоти пулӣ гузаронида шуда, мамлакат соҳиби пули миллӣ гардид.

Ба муомилот ворид шудани пули миллии сомонӣ, ки имсол 25-солагии онро таҷлил хоҳем кард, на танҳо падидаи муҳимми сиёсӣ, иҷтимоӣ ва фарҳангии мамлакат, балки оғози рушду нумуи иқтисодиёт ва дигаргуниҳои мусбати ҳаёти ҷомеаи ҷумҳурӣ ба ҳисоб меравад.

Зимни маҷлиси тантанавӣ муовини якуми Сарвазири Тоҷикистон ба мутахассиси департаменти назорати бонкии Бонки миллии Тоҷикистон мукофоти давлатӣ — медали «Хизмати шоиста» супорид. Зимнан таъкид гардид, ки роҳбарияти мамлакат ҳар иқдому ташаббуси созанда ва заҳмати содиқонаи шаҳрвандонро қадр мекунад.

Муовини якуми Сарвазири Ҷумҳурии Тоҷикистон изҳори боварӣ намуд, ки мутахассисони бонк донишу таҷриба ва маҳорату малакаи худро минбаъд низ ба рушду нумуи Ватан равона мекунанд.

АКС: Бонки миллии Тоҷикистон

Сентябрь 10, 2025 16:10

Хабарҳои дигари ин бахш

Дар Душанбе оид ба мониторинг ва арзёбии ҳуҷҷатҳои банақшагирии стратегӣ дар соли 2025 ҷаласа доир шуд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
Даври омӯзишии «Асосҳои моликияти зеҳнӣ» санҷиш, ҳифзу ҳимоя ва ҳуқуқвайронкуниҳои ин соҳаро фаро гирифт
Дар ноҳияи Мастчоҳ нақшаи ҷамъоварии пахта қариб 80 фоиз иҷро гардидааст
Дар Душанбе масъалаи татбиқи хизматрасонии давлатии мақомоти андоз дар шакли электронӣ баррасӣ шуд
Аз ҷониби Палатаи ҳисоб маблағҳои қоидавайронкунии молиявӣ қариб 98 фоиз барқарор карда шуданд
Сарвари давлат Эмомалӣ Раҳмон дар деҳаи Пушинги ноҳияи Данғара мавзеи нави саноатиро бо 3 коргоҳи истеҳсолӣ ифтитоҳ намуданд
Пешвои миллат Эмомалӣ Раҳмон дар деҳаи Пушинги ноҳияи Данғара 3 бинои дуошёнаи истиқоматӣ барои омӯзгоронро ба истифода доданд
Президенти Ҷумҳурии Тоҷикистон Эмомалӣ Раҳмон дар деҳаи Пушинги ноҳияи Данғара кӯдакистони №11 ва 8,5 километр роҳҳои дохилиро тариқи фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Данғара Муассисаи таҳсилоти миёнаи умумии рақами 88-ро мавриди истифода қарор доданд
Пешвои миллат Эмомалӣ Раҳмон дар ноҳияи Данғара бинои нави Қасри фарҳанги деҳаи Пушингро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Данғара бинои нави Ҷамоати деҳоти Пушингро ифтитоҳ намуданд