Озмуни «Маҳсулот ва хизматрасонии беҳтарин дар Ҷумҳурии Тоҷикистон» ҷамъбаст гардид
ДУШАНБЕ, 27.09.2025. /АМИТ «Ховар»/. Имрӯз дар «Dushanbe EXPO Centre» даври ҷумҳуриявии озмуни «Маҳсулот ва хизматрасонии беҳтарин дар Ҷумҳурии Тоҷикистон» ҷамъбаст гардид, иттилоъ медиҳад АМИТ «Ховар».
Озмун бо ташаббуси Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон баргузор гардида, дар он аз тамоми шаҳру ноҳияҳои мамлакат корхонаю муассисаҳои истеҳсолӣ ва хизматрасон молу маҳсулоташонро ба намоиш ва фурӯш гузоштанд.
Озмуни «Маҳсулот ва хизматрасонии беҳтарин дар Ҷумҳурии Тоҷикистон» дар доираи татбиқи дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон оид ба тақвияти истеҳсолоти воридотивазкунанда ва рушди содирот, таъмин намудани бозори истеъмолӣ бо молҳои баландсифат ва рақобатпазири ватанӣ, мусоидат ба саноатикунонии босуръати мамлакат, ҳамзамон дар доираи таҷлили 34-солагии Истиқлоли давлатии Ҷумҳурии Тоҷикистон доир гардид.
Озмун аз соли 2008 инҷониб дар ду сол як маротиба гузаронида мешавад.
Дар озмун шахсони ҳуқуқии шакли моликияташон гуногун ва соҳибкорони инфиродие, ки ба истеҳсоли маҳсулоти озуқаворӣ, молҳои саноатӣ, маснуоти ҳунарҳои халқӣ, маҳсулоти таъйиноти истеҳсолию техникӣ ва ҳар гуна хизматрасонӣ машғуланд, иштирок менамоянд.
Ҳадаф аз баргузории озмун дастгирии ташаббусҳои минтақавӣ ва муттаҳидкунии мақомоти давлатӣ, ташкилоти тиҷоратӣ ва ғайритиҷоратӣ, ки фаъолияти онҳо ба баланд бардоштани сифати маҳсулоти ватанӣ ва хизматрасонӣ равона гардидааст, кумак барои таъмин намудани бозорҳои Ҷумҳурии Тоҷикистон бо молҳои баландсифат ва рақобатпазири ватанӣ, ташкили замина ва ҳамкории васеъ барои татбиқи усулҳои замонавии роҳбарӣ ва таъмини сифат дар асоси стандартҳои миллию байналмилалӣ барои ба даст овардани муваффақият дар соҳаи сифат мебошад.
Маросими ҷоизасупорӣ ба 119 нафар ғолибони озмун дар Рӯзи соҳибкорон ва Рӯзи байналмилалии стандартҳо- 14 октябри соли 2025 баргузор карда мешавад.
АКС: АМИТ «Ховар»
Дар Бонки миллии Тоҷикистон масъалаи сифати аудити берунаи ташкилотҳои суғуртавӣ баррасӣ гардид
Дар Душанбе татбиқи лоиҳаҳои муҳими стратегӣ дар соҳаи нақлиёт байни Тоҷикистон ва Чин баррасӣ гардид
«Саноатсодиротбонк» барои дастгирии соҳибкорӣ ва иқтисоди «сабз» «Иқдоми нав дар Соли нав»-ро роҳандозӣ менамояд
«Саҳифаи интернетии мутамарказ барои муқоисаи нархҳо/пешниҳодҳо»-и хизматрасониҳои молиявӣ таҳия карда мешавад
Байни Тоҷикистону Ҷопон Барномаи ҳамкории тиҷоративу иқтисодӣ барои солҳои 2026-2028 қабул карда мешавад
Доир ба имконоти рушди устувор ва сайёҳии экологии Резервати биосферии «Ромит» конфронси илмӣ баргузор гардид
Иҷрои «Стратегияи миллии мутобиқшавӣ ба тағйирёбии иқлими Ҷумҳурии Тоҷикистон барои давраи то соли 2030» натиҷагирӣ гардид
Дар вилояти Суғд ба маблағи беш аз 836 миллион доллар сармоягузории ватанию хориҷӣ ҷалб гардидааст
Воридоти панелҳои офтобӣ ба Тоҷикистон аз пардохти андоз аз арзиши иловашуда озод карда мешавад
Ғолибони озмуни «Ҷоизаи Ҳукумати Ҷумҳурии Тоҷикистон дар соҳаи сайёҳӣ» қадрдонӣ шуданд
Ҷаласаи муштараки кумитаи ҳамоҳангсози Амалиёт оид ба ислоҳоти андоз ва Шурои машваратии андозсупорандагон баргузор шуд
Дар Хадамоти гумруки Тоҷикистон иҷрои низоми иттилоотии АСИКУДА баррасӣ гардид
