Роҳи Ҳисор-шаҳраки Айнӣ пурра мумфарш гардида, мавриди истифода қарор гирифт
ДУШАНБЕ, 26.09.2025 /АМИТ «Ховар»/. 24 сентябр роҳи Ҳисор-шаҳраки Айнӣ баъди пурра мумфарш гардидан мавриди истифода қарор дода шуд, итттилоъ медиҳад АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор.
Зимни ба истифода додани ин қитъаи роҳ Раиси шаҳри Ҳисор Ҷаббор Носирзода иброз намуд, ки «ин иншоот дар доираи омодагӣ ба ҷашни 35–солагии Истиқлоли давлатӣ таҷдид гардида, солҳои дароз ба сокинону меҳмонони мамлакат хизмат мерасонад. Мардуми Тоҷикистон таҳти сарварии Президенти Ҷумҳурии Тоҷикистон муҳтарам Эмомалӣ Раҳмон давоми беш аз се даҳсола ба пешрафту комёбиҳои назаррас ноил гардиданд, ки бозгӯи раванди ободонию созандагӣ дар мамлакат мебошад».
Роҳбарияти шаҳр бо сифати кори роҳсозон, дарозӣ, бару ғафсии роҳ, ҷӯйҳои обгузару обпарто шинос шуда, ба меҳнати роҳсозон баҳои баланд доданд.
Тибқи нақша, ҳафтаи равон дар роҳе, ки шаҳраки Шарораро бо пойтахт-шаҳри Душанбе мепайвандад, корҳои мумфаршкунӣ оғоз карда мешаванд.
Бояд гуфт, ки бо дастуру супориши Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ раисони шаҳру ноҳияҳои ҳамсарҳад бо пойтахти мамлакат уҳдадор шуда буданд, ки дар кӯтоҳтарин муддат роҳҳоеро, ки ин шаҳру ноҳияҳоро бо шаҳри Душанбе мепайванданд, таъмиру мумфарш намоянд.
Дар ин замина роҳбарияти шаҳри Ҳисорро зарур буд, ки роҳҳои дорои аҳамияти ҷумҳуриявӣ ва байнишаҳрии Ҳисор-Шарора-Чимтеппа, Ҳисор-шаҳраки Айнӣ ва Шарора-шаҳри Душанберо дар масофаи умумии 21 километр таъмиру мумфарш намоянд.
Бо ин мақсад 23 апрели соли 2025 мумфаршкунии роҳи Ҳисор-Шарора-Чимтеппа ва 6 сентябри ҳамин сол бо иштироки муовини Сарвазири Ҷумҳурии Тоҷикистон Дилрабо Мансурӣ мумфаршкунии роҳи самти Ҳисор-Айнӣ-Душанбе (БДА) оғоз гардид.
Роҳсозони Ҷамъияти дорои масъулияти маҳдуди «Рус-Бахт» ин роҳҳоро бо сифати баланд мумфарш карда, дар муҳлати пешбинишуда ба истифода доданд.
АКС: Мақомоти иҷроияи ҳокимияти давлатии шаҳри Ҳисор
Дар Донишкадаи давлатии санъати тасвирӣ ва дизайни Тоҷикистон намоиши «Баҳори Истиқлол» баргузор шуд
Сохтмони муҷассама дар гардиши дараи Алмосии шаҳри Ҳисор ба анҷом мерасад
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
СИЁСАТИ ФАРҲАНГПАРВАРОНАИ ПЕШВОИ МИЛЛАТ – ЗАМИНАИ ГУСТАРИШИ МАЪРИФАТ ВА ХУДШИНОСИИ МИЛЛӢ. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ
СОЛИ ОБОДОНИЮ БУНЁДКОРӢ. Дар Ҷамоати деҳоти Овчиқалъача биноҳои иловагии муассисаҳои маорифу тандурустӣ сохта мешаванд
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон бинои меҳмонхонаи «Хуҷанд» пурра таҷдиду навсозӣ мегардад
Роҳҳои мошингарди ноҳияи Муъминобод таҷдиду навсозӣ мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони иншооти ҷашнӣ вусъат меёбад
Дар ноҳияи Муъминобод корҳои сохтмонӣ вусъати тоза меёбанд
Сарвазири Тоҷикистон Қоҳир Расулзода дар ноҳияи Ашт бо раванди бунёди неругоҳи барқи офтобӣ шинос шуд
Дар Суғд бо мақсади таҷлили шоистаи ҷашни Наврӯз корҳои сабзу хуррамгардонӣ оғоз шуданд
Дар шаҳри Кӯлоб таҳти раёсати Сарвазири Ҷумҳурии Тоҷикистон ҷаласаи корӣ баргузор шуд
