Симпозиуми байналмилалии илмию амалӣ оид ба гӯсфанди ҳисорӣ баргузор мешавад
ДУШАНБЕ, 18.09.2025. /АМИТ «Ховар»/. Имрӯз дар Китобхонаи миллии Тоҷикистон Симпозиуми байналмилалии илмию амалӣ оид ба гӯсфанди ҳисорӣ доир мегардад. Дар ин хусус ба АМИТ «Ховар» аз Вазорати кишоварзии Ҷумҳурии Тоҷикистон иттилоъ доданд.
Дар Симпозиуми байналмилалии илмӣ-амалӣ олимону мутахассисони соҳаи кишоварзӣ аз Ҷумҳурии Тоҷикистон, Узбекистон, Қазоқистон, Қирғизистон, Федератсияи Русия, Беларус ва Ҷумҳурии Исломии Эрон иштирок менамоянд. Онҳо масъалаҳои соҳаи парвариши гӯсфандон дар Тоҷикистон ва Узбекистон, тағйирёбии вазни зиндаи наслҳои гӯсфанди зоти ҳисорӣ ва гӯсфандони ҳисорию қирғизӣ дар шароити ҷануби Қирғизистон ва дигар масоилро мавриди баррасӣ қарор медиҳанд.
Дар доираи Симпозиуми байналмилалии илмӣ-амалӣ 19 сентябр дар шаҳри Ҳисор Фестивал-намоиши «Гӯсфанди зоти ҳисорӣ» гузаронида мешавад.
Дар Фестивал-намоиши «Гӯсфанди зоти ҳисорӣ» дастовардҳои кишоварзию ҳунармандии корхонаҳои саноатии шаҳри Ҳисор ва дастовардҳои олимон дар соҳаи гӯсфандпарварӣ ба намоиш гузошта мешаванд. Инчунин намоиш – музоядаи гӯсфандони зоти ҳисорӣ доир шуда, ғолибони фестивал – намоиш бо туҳфаҳо қадрдонӣ карда мешаванд.
АКС: АМИТ «Ховар»
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
Роҳи мошингарди «Айнӣ – Кӯҳистони Мастчоҳ» навсозӣ мешавад
Лоиҳаи Барномаи нави саноатикунонии босуръати Тоҷикистон барои солҳои 2026-2030 таҳия мегардад
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
