Сироҷиддин Муҳриддин дар чорабинии сатҳи баланди «Ташаккули ояндаи об» иштирок намуд
ДУШАНБЕ, 24.09.2025 /АМИТ «Ховар»/. 23 сентябр дар доираи иҷлосияи 80-уми Маҷмаи Умумии Созмони Милали Муттаҳид дар шаҳри Ню-Йорк Вазири корҳои хориҷии Ҷумҳурии Тоҷикистон Сироҷиддин Муҳриддин дар чорабинии махсуси сатҳи баланд зери унвони «Ташаккули ояндаи об» иштирок намуд. Дар ин хусус ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
Вазири корҳои хориҷии Ҷумҳурии Тоҷикистон таъкид кард, ки об дар ҳалли мушкилоти глобалии имрӯза нақши калидӣ дорад ва ҳамбастагии об, энергетика ва озуқаро ҳамчун имкони табдил додани хатарҳои марбута ба имконияти устувор унвон намуд.
Сироҷиддин Муҳриддин бо ишора ба уҳдадориҳои Тоҷикистон дар бунёди иқтисоди «сабз» ва нақши калидии об дар ин раванд таъкид намуд, ки ҳоло беш аз 98%-и неруи барқи мамлакат аз ҳисоби неруи обӣ тавлид мешавад.
Вазири корҳои хориҷӣ обро «бузургтарин ганҷи ҳаёт» номид ва мудирияти фарогири онро барои пешрафти ҷомеаҳо, рушди иқтисод ва ҳифзи экосистемаҳо дар саросари ҷаҳон муҳим арзёбӣ намуд.
АКС: Вазорати корҳои хориҷии Ҷумҳурии Тоҷикистон
Намояндаи доимии Тоҷикистон бо Мудири кулли Созмони байналмилалии муҳоҷират мулоқот намуд
Ҳамкорӣ байни муассисаҳои таҳсилоти олии Тоҷикистон ва Донишгоҳи Мустақбал баррасӣ шуд
Намояндагони Сафорати Тоҷикистон бо роҳбарияти Донишгоҳи давлатии идоракунии Русия мулоқот анҷом доданд
Дар Анқара аҳамияти афзоиши гардиши мол ва ҷалби сармоя байни Тоҷикистон ва Туркия баррасӣ гардид
Намояндаи Тоҷикистон дар ҷаласаи 88-уми Кумитаи нақлиёти дохилии Комиссияи иқтисодии СММ барои Аврупо иштирок намуд
Таҳкими шарикӣ байни бахшҳои хусусии Тоҷикистон ва минтақаи Қасими Арабистони Саудӣ баррасӣ шуд
Тоҷикистон ва Австрия нақшаи ҳамкориро барои соли 2026 мавриди баррасӣ қарор доданд
Ҳамкорӣ байни Тоҷикистон ва ЮНИСЕФ дар доираи барномаҳои афзалиятнок баррасӣ гардид
Сафири Тоҷикистон бо директори генералии Созмони умумиҷаҳонии савдо мулоқот намуд
Дар Вена ҳамкории иқтисодии Тоҷикистон бо сохторҳои марбутаи Австрия баррасӣ шуд
Сироҷиддин Муҳриддин бо сафири навтаъйини Италия дар Тоҷикистон мулоқот намуд
Сарвазири Ҷумҳурии Тоҷикистон бо Вазири саноат, маъдан ва тиҷорати Ҷумҳурии Исломии Эрон мулоқот намуд
