Татбиқи тарҳи «Тақвияти бахши молиявӣ дар Тоҷикистон» баррасӣ гардид
ДУШАНБЕ, 19.09.2025 /АМИТ «Ховар»/. Татбиқи тарҳи «Тақвияти бахши молиявӣ дар Тоҷикистон» зимни мулоқоти Раиси Бонки миллии Тоҷикистон Фирдавс Толибзода бо намояндагони Бонки ҷаҳонӣ таҳти раисии роҳбари нави гурӯҳи молиявии Бонки ҷаҳонӣ дар Аврупо ва Осиёи Марказӣ хонум Татиана Дидйе дар Душанбе баррасӣ гардид. Дар ин хусус АМИТ «Ховар» бо истинод ба Бонки миллии Тоҷикистон иттилоъ медиҳад.
Ҷонибҳо ҳамзамон барномаи грантӣ барои таҳияи лоиҳаҳои (GFPP) экосистемаи стартапҳо бобати рушди иқтисодӣ (SEED) ва пешниҳоди грант дар доираи GFPP ҷиҳати гузариш ба иқтисодиёти рақамӣ, инчунин якчанд масъалаи мавриди назар, аз ҷумла маблағгузории иқтисоди «сабз», хизматрасониҳои молиявии рақамӣ, хавфҳои тағйирёбии иқлим, ҳимояи ҳуқуқҳои истеъмолкунандагони хизматрасониҳои молиявӣ, татбиқи Стратегияи фарогирии молиявӣ, нигаҳдории суботи макроиқтисодӣ, афзун намудани пардохтҳои ғайринақдӣ, таъмини устувории низоми пардохт ва рушди бозори коғазҳои қиматнокро баррасӣ намуданд.
Раиси Бонки миллии Тоҷикистон иброз дошт, ки барои таъмини рушди иқтисодӣ ва тавсеаи низоми бонкии мамлакат ташаббусҳои созандаи ин ташкилоти бонуфузи ҷаҳониро дастгирӣ менамояд. Инчунин ҷонибҳо масъалаҳои марбут ба натиҷаҳои марҳилаи дуюми барномаи кумаки техникии Бонки ҷаҳонӣ «Тақвияти бахши молиявӣ дар Тоҷикистон», қисмҳои марҳилаи дуюми барнома, заминаи меъёрии ҳуқуқии маблағгузории хурд, фишорсанҷиш, бозори қарздиҳӣ, маблағгузории устувор ва арзёбии хавфи тағйирёбии иқлимро муҳокима намуданд.
Хонум Татиана Дидйе аз натиҷаҳои бадастовардаи бахши молиявии Ҷумҳурии Тоҷикистон, бахусус низоми бонкӣ изҳори қаноатмандӣ намуда, омодагии Бонки ҷаҳониро барои ҳамкории судманд ва баргузор намудани вохӯриҳои алоҳида бо воҳидҳои сохтории Бонки миллии Тоҷикистон барои татбиқи босамари лоиҳаҳои амалкунанда ва барномаи грантӣ иброз дошт.
АКС: Бонки миллии Тоҷикистон
Байни Тоҷикистон ва Русия дар самти амнияти иттилоотӣ ва коммуникатсионӣ Ёддошти тафоҳум ба имзо расид
Вазирони рушди иқтисоди Тоҷикистон ва Русия амалисозии Харитаи роҳ оид ба густариши ҳамкории тиҷоратию иқтисодиро зарур шумориданд
Доир ба тақвияти ҳамкории Тоҷикистон ва Русия дар соҳаи нақлиёт санади нави ҳамкорӣ ба имзо расид
Агентии инноватсия ва технологияҳои рақамии назди Президенти Тоҷикистон барои рушди зеҳни сунъӣ тадбирҳои амалӣ меандешад
Сарвари давлат Эмомалӣ Раҳмон: «Шумораи сайёҳон аз Русия ба Тоҷикистон афзоиш ёфтааст»
Таҳкими ҳамкорӣ байни Тоҷикистон ва Комиссияи иқтисодии СММ барои Аврупо дар самтҳои рақамикунонии соҳаи сохтмон баррасӣ гардид
ҚУРБИ АСЪОР: 1 доллари ИМА аз 9.2916 то 9.3500 сомонӣ муқаррар шудааст
Таҳкими ҳамкории Тоҷикистон ва Русия дар соҳаи инноватсия ва технологияҳои рақамӣ баррасӣ гардид
Аз Тоҷикистон ба Русия беш аз 29 ҳазор тонна маҳсулоти кишоварзӣ содирот карда шудааст
Дар ҷаласаи 86-уми Кумита оид ба рушди шаҳрсозӣ, манзил ва идоракунии замин стратегияи рушди соҳаи сохтмони Тоҷикистон муаррифӣ шуд
Ҳамкории кишварҳои Иттиҳоди Давлатҳои Мустақил дар соҳаи нақлиёт густариш меёбад
ИМРӮЗ — РӮЗИ ҶАҲОНИИ ПОЧТА. «Почтаи Тоҷикистон» дар шакли муосир хизмат мерасонад
