Тоҷикистон ва Чин ҳамкориро дар соҳаи рушди иқтисоди «сабз» ва камкарбон густариш медиҳанд
ДУШАНБЕ, 05.09.2025 /АМИТ «Ховар»/. Дар шаҳри Пекин байни Кумитаи ҳифзи муҳити зисти назди Ҳукумати Ҷумҳурии Тоҷикистон ва Кумитаи давлатӣ оид ба рушд ва ислоҳоти Ҷумҳурии Мардумии Чин Ёддошти тафоҳум оид ба ҳамкорӣ дар соҳаи рушди «сабз» ва камкарбон ба имзо расид. Дар ин хусус АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад.
Имзои ин санад ба рушди ҳамкорӣ дар соҳаи иқтисодиёти «сабз» ва рушди камкарбон нигаронида шудааст. Ёддошти тафоҳум оид ба ҳамкорӣ дар соҳаи рушди «сабз» ва камкарбон байни Кумитаи ҳифзи муҳити зисти назди Ҳукумати Ҷумҳурии Тоҷикистон ва Кумитаи давлатӣ оид ба рушд ва ислоҳоти Ҷумҳурии Мардумии Чин кӯшиши умумии ҷонибҳоро барои таҳкими шарикӣ дар соҳаи рушди устувор, мутобиқшавӣ ба тағйирёбии иқлим ва пешбурди технологияҳои аз ҷиҳати экологӣ тоза инъикос мекунад.
Мутобиқи ин санад, тарафҳо ният доранд, ки ҳамкориро дар самти таҳияи муштараки лоиҳаҳо дар соҳаи манбаъҳои барқароршавандаи энергия, самаранокии энергия ва технологияҳои камкарбон, табодули дониш, таҷрибаи пешқадам ва таҷриба дар соҳаи маблағгузории «сабз» ва идоракунии устувори захираҳои табиӣ, мусоидат ба татбиқи ташаббусҳо оид ба кам кардани партовҳои газҳои гулхонаӣ ва рушди иқтисоди ба иқлим тобовар ба роҳ монда, тақвият бахшанд.
Инчунин бо имзои ин санад ҳамкорӣ байни ду давлат дар доираи уҳдадориҳои байналмилалӣ оид ба мубориза бо тағйирёбии иқлим ва татбиқи Рӯзномаи Созмони Милали Муттаҳид барои рушди устувор то соли 2030 таҳким меёбад.
Марзия САИДЗОДА,
АМИТ «Ховар»
АКС: АМИТ «Ховар»
Душанбе мизбони Конфронси 35-уми Созмони озуқаворӣ ва кишоварзии СММ мегардад
Дурнамои рушди ҳамкории Тоҷикистон ва Ҳиндустон дар соҳаи энергетика баррасӣ шуд
Пешвои миллат: «Кишоварзон бояд аз ҳар рӯзи мусоиди фасли баҳор истифода баранд»
Эмомалӣ Раҳмон: «Кишоварзонро зарур аст рӯзҳои мусоиди баҳориро самаранок истифода намоянд»
Ҷашни байналмилалии Наврӯз дар Бонки миллии Тоҷикистон дар сатҳи баланд таҷлил гардид
Дар Душанбе истифода ва ҳифзи захираҳои обии мамлакат дар шароити тағйирёбии иқлим баррасӣ гардид
Ҷаласаи сеюми Гурӯҳи кории муштараки Тоҷикистону Покистон оид ба савдо, сармоягузорӣ ва нақлиёт баргузор шуд
Бонки миллии Тоҷикистон ба Эъломияи Кейптаун ҳамроҳ шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
