Ҳамкории Тоҷикистон бо ширкатҳои амрикоӣ дар соҳаи инноватсия ва технологияҳои рақамӣ вусъат меёбад
ДУШАНБЕ, 17.10.2025 /АМИТ «Ховар»/. Рушди ҳамкории дуҷониба дар самтҳои рақамисозии иқтисод зимни мулоқоти директори Агентии инноватсия ва технологияҳои рақамии назди Президенти Ҷумҳурии Тоҷикистон Хуршед Мирзо бо намояндагони ширкатҳои Амрико, аз ҷумла «UST JBC», «Nasdaq», «Tethys Getevay Investment», «FL Smidth», «SpaceX/Starlink» ва «Zeppelin Tajikistan» дар Душанбе баррасӣ гардид. Дар ин хусус ба АМИТ «Ховар» аз Агентии инноватсия ва технологияҳои рақамии назди Президенти Ҷумҳурии Тоҷикистон иттилоъ доданд.
Ҷонибҳо оид ба ҷалби сармоягузории хориҷӣ, татбиқи лоиҳаҳои инноватсионӣ, рушди инфрасохтори рақамӣ ва ворид намудани технологияҳои муосир табодули назар намуданд.
Роҳбарияти Агентии инноватсия ва технологияҳои рақамӣ омодагии худро барои тавсеаи ҳамкорӣ бо ширкатҳои амрикоӣ, татбиқи лоиҳаҳои муштарак дар бахшҳои технологияи иттилоотӣ, инчунин истифодаи таҷрибаи пешқадами байналмилалӣ дар самти рушди иқтисоди рақамӣ изҳор дошт.
Намояндагони ширкатҳои Амрико аз иқдоми Ҳукумати Ҷумҳурии Тоҷикистон дар самти рушди иқтисоди муосир ва фароҳам овардани муҳити мусоиди сармоягузорӣ изҳори қаноатмандӣ намуда, барои ҳамкорӣ дар татбиқи лоиҳаҳои инноватсионӣ, ворид намудани технологияҳои баланд ва васеъ гардонидани шабакаи глобалии Starlink дар қаламрави мамлакат изҳори омодагӣ намуданд.
Мулоқот ҳамчун қадами муҳими таҳкими робитаҳои иқтисодӣ, илмӣ ва техникӣ байни Ҷумҳурии Тоҷикистон ва ширкатҳои пешбари ҷаҳонӣ арзёбӣ гардида, барои татбиқи ташаббусҳои нав дар соҳаи инноватсия ва технологияҳои рақамӣ заминаи мусоид мегардад.
АКС: Агентии инноватсия ва технологияҳои рақамии назди Президенти Ҷумҳурии Тоҷикистон
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
ИСТИФОДАИ САМАРАНОКИ ЗАМИН. Кишоварзони шаҳри Панҷакент дар беш аз 2600 гектар кишти такрорӣ гузарониданд
МАСЛИҲАТИ МУТАХАССИС. Истеъмоли биринҷ ҷисми инсонро фарбеҳ менамояд
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
