Байни Тоҷикистон ва Русия дар самти амнияти иттилоотӣ ва коммуникатсионӣ Ёддошти тафоҳум ба имзо расид
ДУШАНБЕ, 10.10.2025. /АМИТ «Ховар»/. 9 октябр пас аз мулоқоти расмии сарони ду давлат — Президенти Ҷумҳурии Тоҷикистон муҳтарам Эмомалӣ Раҳмон ва Президенти Федератсияи Русия муҳтарам Владимир Путин дар Душанбе 16 санади нави ҳамкорӣ ба имзо расид. Аз ҷумла, байни Хадамоти алоқаи назди Ҳукумати Ҷумҳурии Тоҷикистон ва Хадамоти федералии назорати алоқа, технологияҳои иттилоотӣ ва коммуникатсияи оммавии Русия Ёддошти тафоҳум ба имзо расид.
Тавре аз Хадамоти алоқаи назди Ҳукумати Ҷумҳурии Тоҷикистон ба АМИТ «Ховар» хабар доданд, Ёддошти тафоҳум ба масъалаҳои мубрами замони муосир, танзими истифодаи спектри радиобасомад, мубориза бо паҳншавии иттилооти ғайриқонунӣ дар интернет ва пешгирии зангҳои қаллобӣ ҳангоми расонидани хизматрасониҳои алоқа бахшида шудааст.
Ин иқдом метавонад амнияти иттилоотӣ ва эътимоди ҷомеаро ба муҳити рақамӣ тақвият бахшад. Ҳамзамон он барои ҳамоҳангсозии сиёсати ду давлат дар мубориза бо таҳдидҳои киберӣ ва ҷиноятҳои рақамӣ заминаи ҳуқуқӣ фароҳам меорад.
Ба имзо расидани ин санад имкон медиҳад, ки Тоҷикистон ва Русия ҳамкории худро на танҳо дар соҳаҳои иқтисодию низомӣ, балки дар ҷабҳаи нави амнияти иттилоотӣ ва коммуникатсионӣ низ густариш диҳанд.
АКС: АМИТ «Ховар»
Дар водиҳои Тоҷикистон кишти баҳории картошка аз нимаи дуюми моҳи феврал оғоз мегардад
Дар Тоҷикистон беш аз 29 ҳазор тонна равғани растанӣ истеҳсол шудааст
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Байни Хадамоти гумрук ва ширкати ҷопонии «Yachiyo Engineering Co., LTD» оид ба хизматрасонии машваратӣ шартнома ба имзо расид
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Бо мақсади иҷрои «Барномаи давлатии таъмини оби нӯшокӣ ва рафъи обҳои партов барои солҳои 2025-2029» ҳамоиш доир шуд
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
Бо мақсади рушди устувори соҳаи захираҳои об Ёддошти тафоҳуми ҳамкорӣ ба имзо расид
Масоили маблағгузории идомаи сохтмони НБО –и «Роғун» баррасӣ гардид
Блогерони тоҷик ба маблағи беш аз 5 миллион сомонӣ андоз супориданд
