Дар Душанбе Симпозиуми панҷуми байналмилалии фалак баргузор мегардад
ДУШАНБЕ, 14.10.2025. /АМИТ «Ховар»/. 15-16 октябр дар шаҳри Душанбе таҳти унвони «Фалак ва Истиқлоли давлатӣ: аз эҳё то эътирофи ҷаҳонӣ» Симпозиуми байналмилалии фалак баргузор мегардад. Дар ин хусус ба АМИТ «Ховар» аз Вазорати фарҳанги Ҷумҳурии Тоҷикистон иттилоъ доданд.
15 октябр, соати 10:00 дар Китобхонаи миллии Тоҷикистон Симпозиуми байналмилалии фалак доир мегардад. Дар он муҳаққиқон, санъатшиносон, устодони мусиқӣ, ҳунармандон ва фарҳангшиносони дохил ва хориҷи мамлакат доир ба нақши фалак дар фарҳанги ҷаҳонӣ ва дурнамои рушди мактаби суннатии он мубодилаи афкор менамоянд. Дар назар аст, ки дар симпозиум аз ҷониби иштирокдорон зиёда аз 30 маъруза пешниҳод гардад.
Ҳамчунин имрӯз дар Консерваторияи миллии Тоҷикистон ба номи Талабхӯҷа Сатторов, соати 17:00 шоми фалакхонӣ доир мегардад.
16 октябр, соати 17:00 дар Театри давлатии академии опера ва балети ба номи С. Айнӣ Фестивали байналмилалии фалак доир мешавад. Дар он фалаксароён аз вилоятҳои Суғду Хатлон, Вилояти Мухтори Кӯҳистони Бадахшон, шаҳри Турсунзода, ноҳияи Файзобод, Ансамбли давлатии «Фалак»-и назди Кумитаи телевизион ва радиои назди Ҳукумати Ҷумҳурии Тоҷикистон ва ҳунармандон аз Ҷумҳурии Озарбойҷон иштирок менамоянд.
Ёдовар мешавем, ки ҳамасола 10 октябр дар Тоҷикистон Рӯзи фалак муайян карда шудааст. Ин санъати беназири миллии тоҷикон ифодаи ҳиссиёт, андеша ва руҳи мардуми тоҷик буда, дар рушди фарҳанги миллии мамлакат ҷойгоҳи арзанда дорад.
Ин мусиқии суннатии тоҷик 15 декабри соли 2021 дар ҷаласаи 16-уми Кумитаи байниҳукуматӣ оид ба ҳифзи мероси фарҳангии ғайримоддии ЮНЕСКО дар шаҳри Париж расман ба Феҳристи мероси фарҳангии ғайримоддии башарият ворид гардид.
АКС: Вазорати фарҳанги Ҷумҳурии Тоҷикистон
ТАЪРИХИ ВАТАНРО МЕОМӮЗЕМ! Имрӯз дар мавзеъҳои таърихии мамлакат Рӯзи дарҳои боз гузаронида мешавад
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
«РАҚС МОРО МУТТАҲИД МЕНАМОЯД». Таҳти чунин унвон дар Тоҷикистон фестивали байналмилалӣ доир мегардад
Дар ноҳияи Айнӣ бахшида ба зодрӯзи Қаҳрамони Тоҷикистон Садриддин Айнӣ ҳамоиши илмӣ-адабӣ баргузор гардид
ИМРӮЗ — ЗОДРӮЗИ САДРИДДИН АЙНӢ. Осори Устод Айнӣ ҳамчун сарчашмаи муҳими илмӣ ва фарҳангӣ истифода мешавад
АЙНИШИНОСЕ ПУРТАЛОШ АЗ КИШВАРИ ҲАМЗАБОН. Эҳдо ба зодрӯзи сардафтари адабиёти муосири тоҷик Садриддин Айнӣ
ИҚТИСОДИ РАҚАМӢ ВА ИННОВАТСИЯ. Дар самти рақамикунонии ёдгориҳои таърихию фарҳангӣ ҳамоиш доир шуд
«ДИДОР». Бахшида ба 35-солагии Истиқлоли давлатӣ намоиши мусаввараҳои нодир ифтитоҳ ёфт
Рӯзҳои фарҳанги Тоҷикистон дар Беларус доир мегарданд
СИМПОЗИУМИ БАЙНАЛМИЛАЛИИ ХУТАЛИ ҚАДИМ. Он таърих ва фарҳанги бостонии халқи тоҷикро ба ҷаҳониён муаррифӣ менамояд
Дабири кулли СААД дар Осорхонаи миллӣ бо таъриху тамаддуни тоҷикон шинос шуд
Дар шаҳри Бӯстон даври шаҳрии Фестивал-озмуни ҷумҳуриявии «Як матову сад ранг» баргузор гардид
