Тоҷикистон ҷонибдори рушди ҳамкории байниминтақавӣ дар соҳаи захираҳои гидроэнергетикӣ аст
ДУШАНБЕ, 17.10.2025 /АМИТ «Ховар»/. Тавре қаблан иттилоъ додем, дар шаҳри Москва Форуми VIII байналмилалии «Ҳафтаи энергетикии Русия» оғоз гардид. Дар доираи форум таҳти унвони «Кишварҳои Созмони ҳамкории Шанхай ва Ассотсиатсияи давлатҳои Осиёи Ҷанубу Шарқӣ дар роҳи ташаккули одилонаи энергетикӣ» чорабинии сатҳи канорӣ баргузор шуд, ки дар он масъалаҳои мубрам марбут ба рушди тақвияти ҳамкории давлатҳои Созмони ҳамкории Шанхай ва Ассотсиатсияи давлатҳои Осиёи Ҷанубу Шарқӣ баррасӣ гардиданд. Дар ин хусус ба АМИТ «Ховар» аз Вазорати энергетикаи Ҷумҳурии Тоҷикистон иттилоъ доданд.
Дар чорабинии сатҳи канорӣ Вазири энергетика ва захираҳои оби Ҷумҳурии Тоҷикистон Далер Ҷумъа доир ба масъалаҳои таъмини амнияти энергетикӣ дар минтақаи Осиёи Марказӣ ва нақши Тоҷикистон дар ин самт сухан намуд.
Ҳамзамон гуфта шуд, ки Тоҷикистон ҳамчун давлати дорои захираҳои бузурги обию энергетикӣ ҷонибдори рушди ҳамкории байниминтақавӣ дар асоси принсипҳои баробарӣ, эҳтироми манфиатҳои тарафайн ва таъмини дастрасии одилона ба захираҳои энергетикӣ мебошад.
Дар мубоҳисаҳо таъкид гардид, ки давлатҳои Созмони ҳамкории Шанхай ва Ассотсиатсияи давлатҳои Осиёи Ҷанубу Шарқӣ воқеияти нави иқтисодӣ ва сармоягузорӣ ба вуҷуд оварда, диди хоси худро дар бораи ояндаи энергетика пеш мебаранд. Ин ба ташаккули шакли баробарҳуқуқ, мутавозин ва устувори рушди энергетикаи ҷаҳонӣ равона карда шудааст.
АКС: Вазорати энергетика ва захираҳои оби Ҷумҳурии Тоҷикистон
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
ИСТИФОДАИ САМАРАНОКИ ЗАМИН. Кишоварзони шаҳри Панҷакент дар беш аз 2600 гектар кишти такрорӣ гузарониданд
МАСЛИҲАТИ МУТАХАССИС. Истеъмоли биринҷ ҷисми инсонро фарбеҳ менамояд
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
