Тоҷикистон ва Чин тасмим гирифтаанд, ки ҳамкориро дар соҳаи обуҳавошиносӣ тақвият диҳанд
ДУШАНБЕ, 23.10.2025 /АМИТ «Ховар»/. Дар Женева масъалаи тақвияти ҳамкорӣ байни Тоҷикистон ва Чин дар соҳаи обуҳавошиносӣ мавриди баррасӣ қарор дода шуд. Дар ин хусус АМИТ «Ховар» бо истинод ба Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад.
Дар доираи ҷаласаи ғайринавбатии Конгресси ҷаҳонии обуҳавошиносӣ (Cg-Ext 2025) дар шаҳри Женеваи Швейтсария Директори Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон Абдулло Қурбонзода бо муовини директори Хадамоти обуҳавошиносии Ҷумҳурии Мардумии Чин Зукиянг Жанг, ки масъалаҳои ҳамкории байналмилалиро назорат менамояд, мулоқот намуд. Зимни он самтҳои тақвияти ҳамкории дуҷониба дар соҳаи обуҳавошиносӣ баррасӣ гардид.
Ҷонибҳо масъалаҳои тақвияти иқтидори Хадамоти миллии обуҳавошиносӣ, таҷрибаомӯзӣ ва мубодилаи технологияҳои пешқадам, инчунин ҳамгироии инноватсионӣ дар асоси зеҳни сунъӣ дар самти низоми пешгӯии обу ҳаворо мавриди муҳокима қарор доданд. Таваҷҷуҳи махсус ба масъалаҳои мубодилаи маълумоти илмӣ, анҷоми таҳқиқоти муштарак ва омода намудани мутахассисони баландихтисос зоҳир карда шуд. Ҳарду ҷониб барои густариши минбаъдаи ҳамкории шарикона ва таҳкими низоми муассири ҳамкорӣ ба манфиати рушди устувор ва баланд бардоштани дақиқияти моделҳои пешгӯии иқлимӣ ва обуҳавошиносӣ изҳори омодагӣ намуданд.
Дар натиҷа тарафайн ба тавофуқ расиданд, ки нақшаи чорабиниҳои муштарак барои ояндаи наздик таҳия карда шавад. Ин нақша гузаронидани машваратҳои коршиносон ва мубодилаи сафарҳои расмии мутахассисонро дар бар мегирад.
АКС: Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон
Ба «Трести чарогоҳу мелиоративӣ»-и Вазорати кишоварзии Тоҷикистон ду мошини махсуси чорвокашонӣ дастрас шуд
Кабк «Парандаи сол-2026» интихоб гардид
ИСТИФОДАИ САМАРАНОКИ ЗАМИН. Дар ноҳияи Ҷайҳун ҷамъоварии ҳосили сабзӣ аз кишти такрорӣ идома дорад
Дар Бонки миллии Тоҷикистон масъалаи сифати аудити берунаи ташкилотҳои суғуртавӣ баррасӣ гардид
Дар Душанбе татбиқи лоиҳаҳои муҳими стратегӣ дар соҳаи нақлиёт байни Тоҷикистон ва Чин баррасӣ гардид
«Саноатсодиротбонк» барои дастгирии соҳибкорӣ ва иқтисоди «сабз» «Иқдоми нав дар Соли нав»-ро роҳандозӣ менамояд
«Саҳифаи интернетии мутамарказ барои муқоисаи нархҳо/пешниҳодҳо»-и хизматрасониҳои молиявӣ таҳия карда мешавад
Байни Тоҷикистону Ҷопон Барномаи ҳамкории тиҷоративу иқтисодӣ барои солҳои 2026-2028 қабул карда мешавад
Доир ба имконоти рушди устувор ва сайёҳии экологии Резервати биосферии «Ромит» конфронси илмӣ баргузор гардид
Иҷрои «Стратегияи миллии мутобиқшавӣ ба тағйирёбии иқлими Ҷумҳурии Тоҷикистон барои давраи то соли 2030» натиҷагирӣ гардид
Дар вилояти Суғд ба маблағи беш аз 836 миллион доллар сармоягузории ватанию хориҷӣ ҷалб гардидааст
Воридоти панелҳои офтобӣ ба Тоҷикистон аз пардохти андоз аз арзиши иловашуда озод карда мешавад
