Узбекистон таҷриба дар самти франчайзингро дар Форуми байналмилалии сармоягузории «Душанбе-Инвест-2025» муаррифӣ менамояд
ДУШАНБЕ, 14.10.2025 /АМИТ «Ховар»/. «Мо хушҳолем, ки дар Форуми байналмилалии сармоягузории «Душанбе-Инвест-2025» Ассотсиатсияи франчайзинги Узбекистонро муаррифӣ менамоем. Ин чорабинӣ дар сатҳи баланд ташкил гардида, шумораи зиёди ҳайатҳои хориҷӣ, намояндагони доираҳои тиҷоратӣ ва сармоягузорон аз кишварҳои Иттиҳоди Давлатҳои Мустақил, Аврупо, Амрико ва дигар минтақаҳоро ҷамъ овардааст», — изҳор намуд муовини президенти Ассотсиатсияи франчайзинги Узбекистон Диана Қурбонова ба хабарнигори АМИТ «Ховар» имрӯз зимни баргузории Форуми байналмилалии сармоягузории «Душанбе Инвест-2025».
Ба иттилои Диана Қурбонова, франчайзинг дар минтақаи Осиёи Марказӣ имрӯз босуръат рушд менамояд. Ин шакли самараноки тиҷоратие мебошад, ки ба ширкатҳо имконият медиҳад фаъолияташонро васеъ намуда, қолабҳои муваффақи худро бо шарикон дар давлатҳои дигар ба ҳам расонанд. Ассотсиатсияи франчайзинги Узбекистон ба рушди ин қолаб дар дохили кишвар ва берун аз он, аз ҷумла дар Тоҷикистон, ки шарики стратегии Узбекистон ба ҳисоб меравад, фаъолона мусоидат менамояд.
«Дар доираи форум ҳамчунин шарикони мо ҳузур доранд, ки ният доранд фаъолияти худро дар бозорҳои Осиёи Марказӣ, аз ҷумла Тоҷикистон тавсеа бахшанд. Мо умедворем, ки иштирок дар форум ба таҳкими робитаҳои мавҷуда ва пайдо кардани шарикони нав барои густариши ҳаракати франчайзинг мусоидат менамояд. Дар доираи форум ҳамчунин ҷаласаи алоҳидаи панелӣ доир ба масъалаҳои франчайзинг баргузор мешавад, ки дар он таҷриба ва имконияти ҳамкориамонро муаррифӣ менамоем», — афзуд Диана Қурбонова.
Марзия САИДЗОДА,
АМИТ «Ховар»
АКС: АМИТ «Ховар»
Дар вилояти Суғд масъалаи насби панелҳои офтобӣ баррасӣ гардид
Сарвазири Ҷумҳурии Тоҷикистон бо Вазири сармоягузории Подшоҳии Арабистони Саудӣ мулоқот намуд
Ҷаласаи Комиссияи муштараки байниҳукуматии Тоҷикистон ва Арабистони Саудӣ баргузор гардид
Байни Мақомоти иҷроияи ҳокимияти давлатии шаҳри Турсунзода ва ҶДММ «Илму адаб» созишнома ба имзо расид
Дар Рим ҳамкории Тоҷикистон ва Созмони озуқаворӣ ва кишоварзии СММ баррасӣ шуд
Дар доираи «Душанбе Инвест-2025» мубоҳисаи канории «Маблағгузории иқлим ва бозорҳои карбонӣ» баргузор гардид
Баҳодур Шерализода ва Татяна Молчан Барномаи давлатии рушди маърифат ва фарҳанги экологиро баррасӣ намуданд
Имконоти сармоягузории Тоҷикистон дар соҳаи коркард ва истихроҷи маъданҳои кӯҳӣ дар доираи ҷаласаи канорӣ баррасӣ шуданд
Абдулло Орифов: «Душанбе Инвест-2025» ба рушди минбаъдаи иқтисоди Тоҷикистон ва тамоми минтақа такони ҷиддӣ мебахшад
Эмомалӣ Раҳмон: «Тоҷикистон ба маркази калидии нақлиётӣ ва энергетикӣ дар Осиёи Марказӣ табдил меёбад»
Ҳамкории Тоҷикистон ва Хазинаи байналмилалии асъор баррасӣ гардид
ИНФРАСОХТОРИ «САБЗ» ВА ЭНЕРГИЯИ «ТОЗА». Дар доираи Форуми байналмилалии сармоягузории «Душанбе Инвест-2025» чорабинии канорӣ доир шуд
