ЗЕҲНИ СУНЪӢ ВА РУШДИ УСТУВОР. Ҷаласаи калидӣ дар «Душанбе-Инвест-2025»
ДУШАНБЕ, 15.10.2025 АМИТ «Ховар»/. Дар доираи Форуми байналмилалии «Душанбе Инвест-2025» Агентии инноватсия ва технологияи рақамии назди Президенти Ҷумҳурии Тоҷикистон дар мавзуи «Нақши зеҳни сунъӣ дар таъсиси имконияти нав барои рушди устувор ва ҷалби сармоягузорӣ» ҷаласаи панелӣ доир намуд, хабар медиҳад мухбири АМИТ «Ховар» аз ҷараёни ин ҷаласа.
Дар ҷаласаи панелӣ намояндагони ҷомеаи илмӣ, алалхусус Академияи миллии илмҳои Тоҷикистон, Донишгоҳи техникии Тоҷикистон ба номи М.Осимӣ, Агентии хизмати давлатии назди Президенти Ҷумҳурии Тоҷикистон, Донишкадаи рушди менеҷменти Сингапур, инчунин намояндагони бахши хусусии Тоҷикистон ва коршиносони байналмилалӣ иштирок намуданд.
Иштирокчиёни ҷаласа мавзуъҳои калидии вобаста ба татбиқ ва ҷорӣ намудани технологияҳои зеҳни сунъиро дар соҳаҳои гуногуни иқтисодиёт баррасӣ намуданд. Диққати махсус ба афзалияти зеҳни сунъӣ дар самаранокии идоракунии захираҳо, трансформатсияи рақамии идоракунии давлатӣ ва фароҳам овардани фазои мусоиди сармоягузорӣ равона гардид.
Президенти Академияи миллии илмҳои Тоҷикистон Қобилҷон Хушвақтзода иброз намуд, ки барои рушди устувори иқтисодӣ, афзоиши маҳсулнокӣ, ба тартиб даровардани равандҳои тиҷорат ва вусъатбахшии дастрасӣ ба хизматрасонӣ дар соҳаҳои тандурустӣ, маориф, молия ва кишоварзӣ зеҳни сунъӣ метавонад воситаи муҳим гардад.
Дар ҷаласа муҳимияти рушди сармояи инсонӣ, омодасозии кадрҳои соҳибихтисос ва эҷоди заминаи меъёрӣ, ки ба истифодаи бехатар ва ахлоқии технологияҳои зеҳни сунъӣ мусоидат мекунад, низ таъкид гардид.
Иштирокчиён дурнамои ҳамкории байналмилалӣ, табодули таҷриба ва ҷалби сармояро дар самти технологияҳои рақамӣ ва зеҳни сунъӣ муҳокима намуданд.
Ёдовар мешавем, ки дар шаҳри Душанбе Форуми байналмилалии сармоягузории «Душанбе Инвест-2025» идома дорад, ки майдони калидӣ барои пешбурди сармоягузории «сабз», рушди устувор ва трансформатсияи рақамӣ дар Осиёи Марказӣ мегардад.
Ташкилкунандагони форум Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва Мақомоти иҷроияи ҳокимияти давлатии шаҳри Душанбе бо дастгирии Ҳукумати Ҷумҳурии Тоҷикистон мебошанд.
Мавзуи асосии форум — «Сармоягузории «сабз»: имконияти имрӯз барои ояндаи устувор» раванди стратегии мамлакатро ба рушди саноат, инноватсия ва гузариш ба иқтисоди камкарбон инъикос менамояд.
Лайло ТОИРӢ,
Тоҳир САИД (АКС),
АМИТ «Ховар»
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
НИШАСТИ МАТБУОТӢ. Дар Консерваторияи миллии Тоҷикистон даврҳои кӯтоҳмуддати омӯзишӣ таъсис дода шудаанд
Лоиҳаи «Барномаи давлатии рушди адабиёти бачагона дар Ҷумҳурии Тоҷикистон барои солҳои 2026-2030» таҳия мегардад
3 феврал дар якчанд вазорату идораҳо нишастҳои матбуотӣ баргузор мегарданд
Дар Муассисаи давлатии «Тоҷикфилм» барои дастгирии лоиҳаҳои филмсозони ҷавон ягон монеа вуҷуд надорад
1050-СОЛАГИИ РОБИАИ БАЛХӢ. Мавзуи асосии сурудаҳои ӯ ишқу муҳаббати инсонӣ, тасвири табиат ва зебоиҳои он мебошанд
Ёдгориҳои Хутали Қадим таъриху фарҳанги бостонии миллати тоҷикро дар арсаи ҷаҳонӣ муаррифӣ менамояд
«ҲАФТРАНГ БА ХОТИРАИ УСТОД». Дар Донишкадаи давлатии санъати тасвирӣ ва дизайни Тоҷикистон намоишгоҳ оғоз гардид
САДА — ҶАШНИ БОСТОНИИ МАРДУМИ ТОҶИК. Нуру гармӣ ҷавҳар ва рамзу асли зиндагиофарии ин ид мебошанд
