Ба муносибати 35-солагии Истиқлоли давлатӣ ва Рӯзи Парчами Тоҷикистон дар Рашт панҷ иншоот ба истифода дода шуд

РАШТ, 25.11.2025 /АМИТ «Ховар»/. Бахшида ба ҷашни 35-солагии Истиқлоли давлатӣ ва Рӯзи Парчами давлатии Ҷумҳурии Тоҷикистон дар ноҳияи Рашт иншооти гуногун ба истифода дода шуданд.

Тибқи иттилои масъулини Мақомоти иҷроияи ҳокимияти давлатии ноҳияи Рашт, дар ин рӯзҳо дар Ҷамоати деҳоти Қалъаи Сурх барои сокинону меҳмонони  ноҳия ҳаммоми замонавии дорои беҳтарин шароит мавриди истифода қарор дода шуд.

Инчунин  дар Ҷамоати деҳоти Ҷафр бунгоҳи тиббӣ, иборат аз як ошёна ва ҳуҷраҳои дорои мизу курсиҳо ба истифода дода шуд. Бунгоҳи тиббӣ бо таҷҳизоти тиббӣ ва ҳуҷраи хатна таъмин шуда, дар он барои кормандон беҳтарин шароити корӣ ташкил гардид.

Дар Ҷамоати деҳоти Қалъанак роҳҳои байнидеҳавӣ мумфарш карда шуда, дар Ҷамоати деҳоти Боқӣ Раҳимзода пули мошингузар ва майдончаи варзишӣ мавриди истифода қарор гирифтанд.

Зимни ифтитоҳи ин иншоот раиси ноҳияи Рашт Зарина Идизода иқдоми хайрхоҳонаи соҳибкорони муваффақро пайравӣ ба ташаббусҳои созандаи Пешвои миллат муҳтарам Эмомалӣ Раҳмон  номид.

     АКС: Мақомоти иҷроияи ҳокимияти давлатии ноҳияи Рашт